REDMR Karaoke

今日第一次去尖沙咀 RED MR Karaoke, happy hour。該店賣點為指定主題房間枱上設有 touch screen menu 及 xbox Kinect 等等，可惜今日我見不到以上設施。

http://www.redmr.com/

可能由於版權問題，大部份歌手可揀歌曲不多，加上部份歌手歌曲都不能以 ‘真面目’ 示人，例如 HOCC， 英皇眾歌手等等。就算有歌可揀，大部份為演唱會版，或者以 ‘飛圖’ 年代 Karaoke 碟由不知名人物代演 MV...  Eason 同謝安琪相對比較多歌，又可以真面目出現各 MV 中；蘇永康有歌，但大熱 ‘那誰’ 久奉。其他嘛.... 我朋友平時去 K一去會先隨手入歌至爆版為止，再邊唱邊 cut 或者加歌，但今日 ‘先鋒’ 揀左一版歌就投降... 

除左‘歌’之外，店內服務確實好好，所有員工都好有禮貎。房內沒有廁所，但房間都好乾淨，冇異味。音響夠聲，三個人房間其實可以容納八個人，相當寛敝。格音唔錯，去洗手間路過隔離房聽見唱到就快爆咪，但房內感受唔倒。

仲有朋友們好欣賞 Karaoke 送的 ‘爆谷’，極速掃光。咖啡並非即溶，好香，但略為細杯。

由於今次 happy hour 時段去，冇試任何食物。

今日價錢：HKD99.00 / 人 （週六）+10%， 包兩杯無酒精飲品，一房一份爆谷，三小時 （夠鐘即 cut )