朋友家姐職業係白衣天使，早年自行置業，邀請佢個妹 （我朋友）一齊住。朋友同呢個家姐感情一向好好，唔駛錢又有地方住當然搬左去。
姐妹倆都係冇宗教同比較隨心既人，入伙冇做拜四角儀式，家中亦冇任何神像或者裝香。入伙後不久某個星期六，朋友於家中午睡，佢張床係上格做床下格書枱＋衣柜，當佢瞓瞓吓，覺得有人搖張床，越搖越大力，好似地震... 但佢大小姐依然唔肯起身，照瞓可也。突然間，佢好似聽倒把細路聲，重覆幾次講：姐姐起身同我玩丫，跟住，有隻好凍既手捉住我朋友隻手，佢即刻醒左，但係唔見有人，佢以為係佢家姐玩野，但成屋揾過都只得佢一個响屋企。佢望吓隻手，見幾個細細既紅印... 好似比人好大力捉住留底既....
待續： http://dorstalk.blogspot.com/2011/10/ii.html
咁猛?
ReplyDelete十分可信的，因為事主係我一個一齊做左好多年野既同事，佢份人好老實，嗰一排我地差唔多日日都等佢番黎報告新鬼故 ：P
ReplyDelete我中二個陣某一日訓醒，左手手踭位無端端有一達2吋x2吋嘅瘀痕，但係一d都唔痛，捽散瘀膏都無用，我婆婆話我可能比鬼"meet"
ReplyDelete結果個瘀痕差唔多2個月先散，最慘個陣夏天，著短袖衫遮唔到，仲成日比人問發生咩事
嘩，你都多‘異常’經歷喎 ：P
ReplyDelete都係得幾次姐，哈哈
ReplyDelete夠勒，時運高就睇唔倒 ^.^
ReplyDelete