咖啡奶茶

至愛港式奶茶，飲開走糖少奶，咁先飲得出茶既香味。好多時叫走糖，茶餐廳會將淡奶轉做練奶，其實咁會多左一陣奶香同甜，但健康角度就唔係咁好。

咖啡嘛... expresso, 沖出黎既香味令人舒服又放鬆，但入口就太濃，飲咖啡都係鐘意 Latte。晚餐食西餐後飲一杯齋啡，感覺一餐完滿結束～

好耐好耐以前，開始每日一杯奶茶或者咖啡，讀書時自己住，更加沖定一公升裝熱咖啡，放涼放入雪柜，日日飲一支咁滯。個樽入唔晒，仲倒埋入冰格，飲既時候加埋咖啡冰，超正，消暑特飲。

一般講咖啡有提神作用，但有時夜晚食完飯同朋友飲杯咖啡，轉頭番屋企都瞓得著，所以呢個作用大概對我冇效。

唔知係咪咁多年黎咖啡因已經入血，一日唔飲一杯咖啡奶茶，中午過後就頭痛都死。唔好以為飲番冇事，開始痛既話飲左都係減輕痛既程度，要瞓醒第二朝先冇事。睇黎已經中毒太深，冇藥醫勒 >.<