兩年前參加了 ‘＋洲’ 健身中心，會藉應該於 2012年9 月9 日到期。
星期一，有一位職員打來提醒我會藉 ’就快’ 到期，提我續約，而家打黎同我講細節。我問職員合約應該係 2012 年先到期喎...
職員答：係呀，到期一年前要續約..... (我聽完之後心諗：係咪痴線架)
但我好平和咁同職員講：咁一年後你先打比我續約啦
跟住連續幾日都有人打黎 ‘提’ 我續約，我都係叫佢地一年後再打黎。到今日，有位哥哥仔，一打黎就命令式同我話： X小姐，你會藉到期我打黎同你續約。我答佢：一年後到期丫嘛，你日日都有同事打黎提我，我咪話左一年後先同我講囉。點知位哥哥仔話：唔得架喎，公司規定要到期前一年續約架喎。
首先，呢位人兄語氣好似稅局追稅咁，而家我一定要續你個會？？ 香港好多健身中心，你憑咩我一定要續你。第二，你公司規定關我咩事，我唔係你公司職員，何解要遵守你公司所謂既‘規定’ 呢？？ 第三，一年後我要續會，唔通你會唔比我續？
電話中我 ‘醒’ 完哥哥仔之後，我冇再聽佢講野，只講左句：唔該落記錄唔駛再提我續會，我到期都唔會再續架勒。
好心啲公司 train 過啲 staff 先好比佢地做野啦，跟本就亂黎，得罪人多稱呼人少咪呢啲囉！！！
佢地就係要預返咁上下時間, 煩到你神智不清, 懵懵下續左會呀ma~ 哈哈
ReplyDelete而家d公司d staff都唔知點做野... 成日同一個時間打黎屋企, 明知講過好多次呢個時間話事人唔係屋企, 佢地仍然係呢個時候打黎... 唉!
我反而覺得係打電話比我既職員神志不清，唔用吓個腦就亂講...
ReplyDelete講開啲 sales call 電話，佢地啲思路都幾趣緻... 試過一次番工時間有人打黎 sell 野，客氣同佢番工唔方便講電話，佢竟然回我一句，咁我聽日呢個時間再打比你.... 到底係咩邏輯呢？難到佢聽日呢個時間我唔駛番工？