上星期其實睇左 “武俠”，因為影評好多人話好得。
套戲可以分三部份: 第一部份，一條小村既做紙工 （甄子丹）“意外” 打死個通輯犯，呢部份我覺得係全套戲最好睇，小村風景好靚，二樓路台養既牛牛我而家都好記得，但呢個地方應該好快又比香港旅行團攻侵同破壞；村民無厘頭唱山歌都幾搞野；湯唯角色恰如其份，連 ‘宇宙最強’都意外地見倒佢做到一個 ’小人物‘ 既感覺，唔係一味扮大俠，而佢扮個無知村民都幾得。一家四口生活真係好温馨，好解釋倒佢點解後來唔想認番個老豆。
第二部份，因為死左個通輯犯，身為捕快加武痴既金城武堅持要查出點解一個’普通人’ 可以打死個武功高強既通輯犯，中途帶出一大堆理論同 ‘親歷其境式既案件重演’，將第一部份既打鬥以慢速分析，都幾搞笑。而結論係甄子丹其實係個武林高手。金城武只有幾個 ‘想當年’ 鏡頭係靚仔樣，超嘥～
第三部份好誇張，帶出甄子丹係個 ‘七十二XXX’ 既二當家，十年前走左佬，而大當家係甄先生個老豆 （王羽），仲有個好打得既疑似甄子丹亞媽既惠英紅。大當家知二當家行踪，派人’揾’佢番去，而甄子丹唔想番，想過番而家既生活。呢部份好誇，唔太識欣賞, 王羽超誇張既好打 （銅皮鐵骨），甄子丹無程程自斷左手但轉頭仍然可以同好好打既老豆打到拆樓咁，都幾無厘頭。我睇既係廣東話版，但第三部份呢 ‘七十二XXX’ 既人都係講國語 （但呢班人明明話自己係女真族人），是但啦，但點解唔成套都國語呢，反正金城武同湯唯都係國語人.... 後來先知呢套戲有純國語版，可能會順耳啲。
總之，呢套戲都唔係我杯茶，比我再揀，我可能會租碟唔去戲院睇，就係咁～
No comments:
Post a Comment