星期日晚 00：00，有線隆重其事現場直播新一輯 ‘怪談’，响某個出名猛鬼既地方曹公譚，揾左個師傅同三個 ‘靈探’去探靈。由施明年代已經睇開怪談，梁思浩確實將呢個節目做起左，但新一輯既第一集真係雷聲大雨點小，冇咩料到。我自己一個人半夜响聽睇都唔驚；由頭都尾都係得個師傅同思浩响到講好多野；‘靈探’ 都唔知做咩，做到有個靈探話聽倒細路仔聲，又話節目夠鐘要結束，叫人上網繼續跟進，結果今日上網咩都冇見倒 ； 個女主持 （唔知咩名）得個嘈字，換左佢啦。
其實好多人以為七月十四係盂蘭節，幾年前已經聽雲海話七月十五先係正日。雖然我冇咩宗教信仰，但呢幾日都好乖冇出夜街 ^^
想知點解要燒衣，點解有盂蘭節，不妨一睇：
唔知盛智文先生會唔會突然對呢個傳統節日有興趣，搞到佢好似萬聖節咁放响主題公園呢？
P.S.: 一點鐘睇完怪談走去瞓，一攤上床我習慣都會 refresh 吓 facebook, email & 微博，點知一拎電話上手，個電話响喎.... 一個冇來電顯示既電話.... 我少少嚇親，即刻咩都冇 check 就熄電話瞓覺 .......
No comments:
Post a Comment