家居上網用緊 netvigator, 比緊 HKD238/month (30M), 兩年合約，其中好似五個月免費，2012年 3 月到期。
今日收倒 netvigator sales 既電話，叫我提前續約，月費依舊，再冇任何免月費，但即送 HKD400 超市現金 coupon。我同位 sales 小姐講我唔需要 100 M 計劃，因為我都係上吓網又唔會成日上／下載野，唯獨 sales 小姐表示呢個 plan 已經係見我用左十幾年已經係最平，OK，講多無謂，新一輪 research 又開始...
﹣打過去 3 問，大廈冇覆蓋...
﹣cable 永久黑名單, 點平都唔會用....
﹣香港寛頻做 HKD169/month x 24 mths 約， 免 5 個月，送 HKD400 pizza hut 或 HKD300 萬寧 coupon, 冇安裝費... 好似幾抵....但係，網上 plan 仲抵 -- 多 12 張 UA 戲飛呀：
香港寛頻表示要付繳 HKD600 按金，合約可以响我另一個 contract 完成後先開始，之後每個月回贈，但要上門檢查係咪可以成功安裝....
心大心細之餘，再打左去 nevigator 攞終止合約 form, 職員表示合約到期一個月前先會提供比客，當然呢個職員先生循例問點解用左十幾年無端端要終止合約。我輕描淡寫話比呢位好有禮貎既先生知貴公司職員今日下午打黎同我講新 plan, 我清楚表示過只要最平既計劃，但貴公司 sales 小姐表示二百幾蚊月費既上網計劃已經係最抵，同只提供比我呢啲用左十幾年既客戶，而我轉頭打左個電話去第二間公司問，人地就比左個HKD169 + 免 5 個月同送幾百蚊 coupon 既上網計劃比個 phone in 客 (我), 所以我覺得係時候要轉上網公司囉。
呢位職員先生話，sales 小姐可能新入職，唔知除左佢手上既計劃仲有其他百幾蚊既服務可以比客揀，合約部同事會同我講其他既 plan, 但佢地收 18:30, 於是我留低電話，聽朝一早會覆我。即管睇吓佢覆啲咩番黎。
好老實，可能好耐之前用 i-cable 上網成日斷線，我又成日要投訴搞到好忟... 之後轉 netvigator 後都好穩定，好少斷線，就算斷都好快整好， 所以咁多年黎我都係兩年 renew 一次，都冇咩同佢講價，但佢而家出個咁既 plan 比我，真心覺得佢當我係水魚！！！重點係 sales 小姐不可一世既態度，根本係趕客 ﹣ 佢臨收線仲有一句：吓？二百幾蚊咁抵你都唔續呀？（我頂佢個肺，唔續咪唔續，關你咩事！！！）
＿＿＿＿＿＿＿＿＿＿＿＿＿＿＿＿＿＿＿＿＿＿＿＿
P.S.: 有冇人用緊香港寛頻？會唔會成日斷線或者其他問題？有冇其他公司既 plan 推介？ 有資料請提供。Thanks~~~~
我覺得香港寛頻(而家用緊)唔係好好...
ReplyDelete試過幾次點幾二點鐘上上下網就斷線...
最激氣係做做下功課斷線...打上去d staff話同你check下發生咩事,到頭來就話我部電腦有事...
而且總覺得香港寛頻好似好慢咁.......
Thanks Samantha~
ReplyDelete其實上網邊間公司好係在乎個收發站係近邊區~我有朋友用緊香頻,佢住香港仔,so far佢話ok喎.至於你講cable,我都有同感,永遠black list,自己無用過,但有用過既人話佢永遠都係查詢同投訴無門,幫襯電視,當你想終止服務時就連正常電影都整鬼壞埋你.本人兩個電腦都係幫襯netvigator,但自從有wifi就cut左其中一個,用佢係因為佢真係穩定,而佢比別人穩定既原因唔係因為佢特別好,佢只有一樣比別人優勝既地方係因為佢有電話線,我係連屋企電話都用緊pccw,如果你仲有用屋企電話既,可以試下問下有啲plan係電話連上網咖~同埋我有朋友做pccw,佢話的確係有啲平plan既,但通常都係比公屋或偏遠地區既人.我都有聽過人可以＂lur＂到佢,用咩方法我就唔知啦!不過都係幾耐之前既事啦~而家通常佢地都企得好硬下~
ReplyDelete希望呢啲可以幫到你啦^^
thank you Jennifer, 其實netvigator 比個百幾蚊既plan 我都諗住續約算數，費事搞咁多：p
ReplyDelete提提你，此為網上討論之結果：
ReplyDeletecable：黑名單，唔洗睇
和記：我十年前用果時狂斷，而家唔知
香頻：本地：快！出海：FXCK！
網上痕：較穩定，尤其出海，但有D貴，同埋你唔話要CUT FORM佢唔會比平野你
你唔好聽netvigator個姐姐仔亂講啦，我都用緊netvigator，都係$135一個月...
ReplyDelete我$160光纖入入屋,無可能過$200得30M.
ReplyDelete呢d推銷手法好乞人憎,唔推/唔cut就當你水魚,不過都好過d建身中心
唔該晒各位 ^O^
ReplyDeletenetvigator 冇人打黎，於是我打左番去問，提供左兩個 plan:
ReplyDelete1) 300M, HKD258/month x 24 個月合約, free 5 個月
2) 100M, HKD193/month x 24 個月合約，冇免月費
This comment has been removed by the author.
ReplyDelete我屋企只做到8M, 不嬲俾開$199, 到SEND左CUT FORM話俾到$12X, 不過我蠢左用左第二個名登記($177)先CUT, 年頭既事
ReplyDelete你$238 PLAN, 如係24個月計, 平均都係$188一個月, 最最最低限度都要講返$188先啦(當然有得平就更好)
其實HKBN而家個PLAN麻麻地, 提提你HKBN岩岩SUMMER係做到$109 X24送$350 COUPON架
我諗你下年先SEARCH下都未遲
Thank you Maryl~~~
ReplyDelete老老實實 我都係pccw做 平時有睇開你d escape game solution=] 你幢樓有hkbn既話 sales做到既最平$159 1個月 8M 上網
ReplyDeletebut sales做到既plan梗係唔係最抵 最抵係續約部 要同e個department講到野既方法 就係不停同佢講hkbn平過佢 要轉 要拎termination form 跟住佢就會自動打返比你同你斟
nicki, thank you ar~~~ 我尋日打左去話要 termination form, 個小姐講左樓上我寫嗰兩個 plan 比我之後，我話冇其他 plan 拿，佢話係咁多，dead air 左幾秒後我問佢咁你寄張 form 比我啦，佢答我：咁我同你對吓地址先........... 睇黎佢真係唔想做我生意... 好灰....
ReplyDelete我用緊HKBB...都OK 架~ 好穩定~ 不過最近佢打黎叫我續約, D 客戶服務唔太好....同埋加左價...一個月要$130/月-100MB
ReplyDeleteTougn Bel 你續左未架, 宜家個續約價係$105 X24 送TP LINK router喎
ReplyDeleteThank you Though~~
ReplyDelete香港寬頻？轉走咗啦！點解？因為遇到個男Sales講嘅內容同第一個打俾您嘅Sales幾乎一樣囉。仲要串我計較價錢。
ReplyDelete喂！BB100 推出唔係好耐，$298月費都用咗4年啦，以前我都响Pccw 3M轉去BB100，因為當時真係好似廣告咁又順又快好多，如果唔係佢公司屎忽鬼搞個＄99蚊Plan，仲要我地啲舊客求新客至有得減，我駛咁唔忿氣？
仲要之後成日斷線，連我老爸都頂佢唔順，試想像吓60幾歲人對網絡有咩要求，速度無咗連最基本嘅穩定都無埋，後期至知佢機樓少仲要租人地方，再加上好多地樓盤根本無位俾佢加嘢，佢個網絡根本應付唔到突然增加嘅客戶需求。我無理由繼續同佢癲，仲有咁多＄99Plan分薄晒啲頻寬，仲要俾24個月＄298嚟等佢慢慢搞番好咖嘛，等到幾時呀。
咁啱Pccw打嚟，有居屋優惠＄168 100M，連家居電話同其他都有優惠價，所以襯勢轉咗佢，起碼人地樹根早種，多線多地多機樓，用落真係穩定好多。
所以您做法好啱，唔好心急，反正3月先到期，考慮吓先。據我所知如jennifer所講，Pccw一向公屋同居屋住戶係會有較多嘅優惠嘅，就算您住私樓都可以了解一下。
hello,我平時睇開你的escape game 攻略,不過第一次留言.
ReplyDelete我同你的情況差不多,用咗netvigator >5年,出年2月定3月合約到期. 諗過轉hkbn,因為嫌現時的plan貴($167/8m). 我亦是永久black list "有線",和記無咩印象,得返hkbn揀...本來幾大機會轉hkbn,因為目前上網有時好慢...宜家睇完你的post & 網友意見,再諗諗先揀...
如你有決定,可否告知?tks~
Mac, 我都諗住拖到二月先再搞 ^.^
ReplyDeleteHi CRM, 我基本上係想用番PCCW, 但好睇佢二月會唔會減比我
ReplyDeleteThis comment has been removed by the author.
ReplyDelete