資生堂 ﹣ 免費面部皮膚護理

上星期收到資生堂電話，通知會員有一次免費皮膚護理或化妝服務，約左尋日到朗豪坊專櫃進行護理。去之前已經諗好似冇房，點做... 結果去到已經見一位女仕 ‘坐响到’ 敷住 mask... 有少少想打退堂鼓，但阿 Q 地諗，敷住張紙 mask 唔會咁黑撞倒熟人掛..... 一向只買資生堂化粧品，其實冇用過佢既護膚品，所以想去試吓... 行埋去問都好難一次試咁多 product

講低電話號碼，等左一陣，BA 幫我簡單潔面後 （當然冇 steam & 針清），用部機 check 皮膚狀況 （又係六角肌係好咁....), 之後好快拎出下面一堆產品出黎 （唇膏唔關事）...

揸完最左面之 toner, 左二 ﹠ 三兩支精華 （去色素及補骨膠原），再敷紙 mask 十分鐘，按摩膏面部按了 2﹣3 分鐘，揸最右面之 lotion, 另加 eye cream, 護膚粉，再加 3 分鐘 ‘推廣時間’， 全程三十分鐘左右完成。

好唔好就咁用一次真係唔知，但用開資生堂既護膚品的話，的確好抵，walk-in 去買任何一件產品都送好多 sample, 而我自己都有幾秒鐘動搖想買佢支去色素 serum。但係上星期大執房見太多野買番去未用完甚至未開... 都係算罷啦... 

BA 小姐介紹完我話考慮吓佢都好好笑容，一啲都冇黑面，可能因為佢做都做唔切，我响到三十分鐘不停聽見人比錢，我去到時敷緊 mask 位小姐都掃左三千幾蚊貨走，唔通個個都收倒政府六千蚊身痕？？