失業記

九月開始了自願失業既日子， 呢次自願失業冇一個明確原因， 只係覺得同一份公做左十年， 好厭， 好攰， 好想轉. 

其實份工唔錯， 同事幾好， 番九點半放六點， 同埋有時要出差同周末 ＋ 紅日要番工比較攰， 試過個幾月無假放， 又試過個幾兩個月要留响大陸做野， 做到病入醫院. 辭職前冇任何事發生， 淨係記得嗰一刻自己好想走， 三分鐘內打好辭職信， 比埋老闆.... 

老闆收信時有少少呆左， 再問我： 諗清楚未？ 點解？ 做得唔開心？我只答左佢： 諗左好耐， 諗清楚， 想試吓其他野， 公司同同事都好好. 老闆最後講， 咁好啦， 你如果改變主意話我知. 禮成.

過程比我想像中快， 但我仲記得我比信老闆當時對手有少少震， 同番埋位有少少想喊. 想喊既原因.... 只因好多回憶湧番出黎， 手震原因， 我都唔知.

Last day 後去左旅行， 之後一直間中都有揾工. 但係， 唔知太耐冇揾工定過去既工作經驗其實冇用， 又或者我份 CV 寫得差， 目前為止只見過四次工，三次仲係見agent. 身邊朋友， 屋企人都問， 點解你咁耐都唔番工既？有時都唔知點答， 有既我都會番， 但真係未揾倒， 點番？ 基本上我 model answer 都係， 快架勒， 過完年揾工.... 一切都過完年再算啦. God bless~