對於面上既一粒粒暗瘡， 自問十分忍唔倒手. 照鏡見到有白粒就想消滅佢， 就算流晒血都唔留手. 瞓瞓吓到半夜無端端摸倒一粒粒又忍唔住手去搞. 結果暗瘡醫好了， 換黎一大堆暗瘡印. 大部份既印都集中响面既兩邊. 加埋我本身既無數雀斑， 簡直係...慘不忍睹. 所以暗瘡好轉之後， 我又開始另一輪 research -----去斑同去印.
試過無數去斑去印 product, 但成效真係.... 唔多覺. Obagi 既換膚 set, 好似有少少效果 ﹣＞主要根據用左三個月後番去 Reenex 用機 check 番用前／後效果比較， 肉眼睇只係好似斑淡左少少咁....
之後， 去醫生到打彩光 （好抵， 朋友介紹去的正牌醫生， 幾年前五百蚊次）， 做左五次左右， 頭三次效果比較明顯， 深色既斑係去左好多， 但淺色既斑同暗瘡印都只係淡左少少，冇退走晒， 最後兩次去見冇咩效果， 冇再去了. 當時我一直都有去做 facial, 試過佢哋部打光機都冇用. 到舊年年尾， 响一間去開既泰式 massage 舖 （十分乾淨 ＋ 正經的）， 佢地新增 facial 服務， 因為係 massage 舊客， 有試做優惠， 試過都幾好就 join 左個 basic facial. 加上當時既 massage coupon 就快用完又 renew 左， 兩套新 coupon 加埋， 舖頭好豪咁送左次打光 treatment 比我. 試做完個打光發覺， 咦， 有啲淡既斑都甩左.... so magic.... 於是好敗家地， 又 join 埋個打光 treatment. 到今日已經打左 6﹣7 次，斑基本上得番少少， 印都淡左好多. 只因自已又手多多企圖消滅新瘡， 順理成章舊印未清新印又黎. 但 so far 對我黎講效果最好既去斑去印方法都係用機打光.
No comments:
Post a Comment