沖繩6日5夜自駕遊： 準備篇

機票酒店篇：因公事關係，出發前兩星期（6月底）先確定可以放假，唔想暑假同人迫又唔想10月先有得玩，大安旨意7 月初出發。去到買開 package 既 EGL，表示要幾日時間確定酒店，於是馬上轉戰其他旅行社，無意間走入專業XX，價錢略貴但可以馬上確定酒店同機票，合埋眼比錢搞定！

行程篇：呢個係我心目中既沖繩，陽光與海灘，tiffany blue 既海同幼滑既沙。買 package 後上網四出揾人家既 BLOG 抄考行程，9 成計劃好後傳來壞消息：超強颱風浣熊都想去日本湊熱鬧，預計同我地差唔多時間最近沖繩.... 原定 6 日既行程有差唔多 2 日都被困酒店，原有行程中左改右改，隨心隨緣下最終都差唔多去晒。

下篇進入 Day 1!