Please click~~~

10/16/2012

深水埗一日遊

計劃十一月初再去露營,朋友話見上次塔門露營時見另一個營好似用 LED 燈條做燈,都 OK 光之餘又靚,於時我地出發去鴨寮街揾燈去。出發前揾食,上西九龍中心行左一轉。老實講,住响香港咁多年好少去深水埗,次數可能十隻手指都數得晒。西九龍中心應該去過 1﹣2 次... 好多年前... 今次再去,發現呢個西九龍中心與記憶中的一個大不同了:

首先係個 FOOD COURT, 雖然唔算好大,但係舖量好多(起碼三十間),仲要係小舖家庭式經營為主,仲有十幾蚊個飯,去邊到揾:



行行下見一間 ‘梁蘇記’ 遮舖,唔知係咪好耐之前個舞台劇做既賣遮家族梁蘇記既真身呢?


 仲有個好多宅男响入面既 AKB48 OFFICIAL SHOP,賣好多呢個組合既精品... (查實我唔知佢地係咩):

5﹣7 樓左右,其中兩層有一邊變左劏舖,即場中所叫既 ‘蘋果商場’,行响裏面好似番左大陸,類似羅湖城咁既舖,細細間,有賣假髮,做指甲,精品,水晶,手工藝舖,勞作舖,衣服鞋襪咩都有得賣。人流都唔少,但似乎旺丁不旺財:





 西九大概 8 樓仲有一層好多盲人按摩店,收費好似唔太貴,但人太多,我驚比人打唔敢影相 :P 西九比記憶中人多了,舖多了,旺了,唔似大商場咁來來去去都係嗰幾間舖,相對地多元化,但舖頭似乎又太細,一間舖入幾個人已經爆場,可能閒日行會好少少。

行左一輪西九,再行鴨寮街揾燈。想要既 LED 燈條揾倒了,但問過幾家店員有關駁電蕊盒通電既問題,一個話可以用兩日,一個話四個鐘,都係唔敢博... 冇賣就走了。

離開深水埗時,路經一間好大既紙品舖,日曆月曆咩都有,好壯觀。响咩都電子化既年代,估唔到佢地仲可以做到咁大,佩服:


仲有,露過間好熟口面既餐廳.... 咪係 ‘怒火街頭’ 鄭喜穎成日去嗰間囉:


呢個角度可能清楚啲:


仲途經一間軍用舖,但基本上都係賣氣槍同配件咁:



相信係長期使用既 ‘臨時槍靶’:


氣槍好真之餘確係唔平喎:



再來係是日平民晚餐,山東餃子館,抵食之餘味道都 OK 的。先來 $12 串的燒羊肉串,幾得:


再來主角:水餃,包括另加兩蚊既煎較同湯餃,個人比較喜愛湯餃點醋:


食飽飯,時間尚早,決定行路去.... 旺角... 話近唔近話遠唔遠,今次行人少既塘尾道直穿過旺角,中途好多舊式店舖,仲有已經改建既雷生春堂。相對於改建前成間鬼屋咁,而家確係好好多,可惜冇得入去睇:


藥店雷生春堂改建成中醫藥學院,主題切合,I LIKE IT:


行吓行吓,行左去... 油蔴地... 係咪好勁呢~ 最後行到去佐敦搭車番歸,全程個半鐘,配合涼涼既天氣,邊散步邊傾計,查實都相當舒服架~


得閒可以再揾啲少去既地方遊盪吓,發掘個不一樣的香港都唔錯~

7 comments:

  1. 我上星期5都去完西九龍...比起d罐頭商場,已經好好

    ReplyDelete
    Replies
    1. 係呀,我行舖仔行得好開心架~

      Delete
  2. 桂林街斜路間賣月曆嘅係showroom咋(^_^ ),十幾年前已經咁大間,人地主力做印刷生意响度接訂單。
    仲有今日IDAC有成三十四個新舊逃出遊戲限時免費至十月底。

    ReplyDelete
    Replies
    1. hehe, 我係個港燦,咩都唔知:P 轉頭出個 POST 寫關出堆新 GAME, thanks~

      Delete
  3. 話時話呢排都間唔中去深水埗, 行黎行去都係識去鴨寮街同有得食劉森記既福榮街~~但想搵雷生堂又唔知係邊, 得閒都要行過去睇下先~ 話時話如果你話用電芯去推呢, 應該唔夠力~ 一係就要幾舊9V電既先得喎~

    ReplyDelete
    Replies
    1. 雷生春堂未改建前好似間鬼屋架,而家好好多 ^.^ 多謝你盞燈既意見既,我都唔敢搏所以冇買 ^.^

      Delete