Please click~~~

10/25/2012

投訴之都 - 香港


一日,番工途中巴士上,上車後座樓上近樓梯位置,閉目養神中,突然有位女士上車大叫:點解架車咁遲架,遲成十分鐘,你會搞到我番工遲到架... 顯然係搭客 A 向司機投訴。

司機為一位中年女士,不甘示弱反擊:我夠想準時啦,塞車我都唔想,我又唔識飛,我都係打份工啫。 也許司機壓力太大,不停重覆約十幾分鐘。

與此同時,有位女士獨自一人企响已經冇位座既樓上,拎出電話,好似表演咁依住欄杆打比巴士公司投訴:我而家响XXX 號車上面,司機遲到,有搭客投訴佢,司機不停鬧左搭客十幾分鐘,我覺得佢情緒有問題,我覺得我而家車上既搭客好危險。你駛唔駛同司機講吓?

其實司機都係發洩吓,又何須咁隆重咁打去投訴呢?你投訴完,司機有被投訴紀錄,影响 BONUS 同勤工獎 (傳聞),投訴人又有咩得著?你真係咁睇唔過眼,點解唔新自向司機投訴叫佢專心揸車咁呢?

另一日,陪朋友去出電話,我地六點半已經到人超多,座底攞左號碼籌,唯有等。七點十五分左右,有個男人帶住個女朋友黎拎機,一樣要攞籌,佢一座底拎起電話又打去投訴(原裝有大量粗口,但我唔太識打粗口字,略過):你又叫我七點到,我而家七點到要我等,有冇搞錯。你同你同事講叫佢地比我拎先,我唔要再等。當然電話中既職員唔可以話事,都唔可以令佢優先被處理。其實呢位人兄打去投訴比較似係响女友面前出峰頭,用吓腦諗都知冇可能打個電話去可以比佢唔駛等,佢真係成功既話,相信在場既人都打上台要求特快處理,簡單地講係為投訴而投訴。

呢兩單係上星期兩日內生活上遇見既其中兩單投訴事件。到底係因為有手提電話令投訴變得方便而被灠用,定係大家生活壓力太大,揾地方發洩吓呢?投訴唔係話一定錯,但應該係對事唔係對人,想令人家公司了解問題從而改善服務,可惜而家好多人係為攞著數而去投訴。好多時投訴係為左一時之氣去投訴,試下由對方角度出發諗吓,可能會見倒一個不一樣既畫面,令自己投訴意欲減低或者消失...

6 comments:

  1. 巴士投訴其實我都試過,但好似你咁講,唔應該針對個車長囉,反而覺得而家點投訴都冇用,巴士公司都係同你兜大圈,佢就算每次有覆返你電話, 但客服都話公司資源唔夠,又唔係個個車長可以補行呢條線,所以都係冇意思~~

    如果去果D電訊公司等CS咪仲死!~ 我試過企係數馬通舖面等左1粒鐘都未到,咁你等唔等丫, 唔等就用唔到電話囉~ 呢D先死啊~

    ReplyDelete
    Replies
    1. 而家既熱線投訴電話可能都係比人發洩吓咁就算。

      我有個朋友話打去熱線,其實仲可以話佢知我响邊要去邊,職員會話番我知去邊到搭幾號車去到,幾耐到咁架。可惜大部份人都係當佢投訴熱線用...

      Delete
    2. 因為智能電話的方便, 令到呢項服務變得唔再被人留意啦~~

      Delete
    3. 就黎呢個世界唔駛人去番工,咩都由電話或者機器人代勞~

      Delete
    4. 到時我地係屋企邊嘆咖啡邊whatsapp機器人做野,等榮休!!~ Yeah~

      Delete