對於冰上曲棍球既認識限於多年前睇木村拓哉主演既日劇 PRIDE。今日為左去睇戲去 Mega Box, 未夠鐘入場，被四起歡呼打氣聲吸引，發現 Mega Ice 打緊比賽，反正有時間，決定留底睇吓。
比賽由小朋友組別開始，每組連龍門有六個人，十二個人仔滿場飛其實幾得意，雖然小朋友們年紀細，起初都懷疑佢地平日行都唔太穩喎，但响平上如履平地，有幾個仲好快就緊貼個冰球一直滿場飛，堅快。至於比賽規則，睇幾場就大概知，唔難明。
比賽節奏都好快，一場完結另一場好快就開始，在場堆滿打氣既家人朋友，同未打又或者已經打完既球員。各式各樣既冰球裝備袋四散，好多人影相之餘由於好多都係外國人，個個大聲叫，大聲支持場中小朋友，好熱鬧，十足成個嘉年華會咁。
場次由小朋友漸漸轉成青年組，成人組，越打越有水準。加上有來自北京既組別，同一堆相信來自不同國際學校既小朋友同家長們，相對於平時好靜既 Mega Box，今日出現新面貎～
比賽仲未完，有興趣可以睇吓：
我對PRIDE嘅認識只限竹內結子:p
ReplyDelete我對竹內結子既記憶係‘藉著雨點說愛你’
Delete正呀！
Delete死勒你，同我同年代
Delete哈哈，差不多啦！
ReplyDelete