於冇人再拜‘神‘既年代，一眾天神漸漸失去力量，天神宙斯都唔例外，反而根本冇法力既主角半人半神之柏修斯毫無影響。適逢宙斯另一個戰神亞仔與冥皇細佬與宙斯老豆合力叛變，對付宙斯，最後反而就要靠柏修斯去救番個天神老豆。
之前睇其他戲時睇有關呢套戲既 trailer, 已經差唔多係整套戲之精綷所在，半人半神之柏修斯除左得閒可以同天神老豆同親友傾計之外，完全睇唔出佢同凡人有咩分別，次次都捱打，反而佢個戰神細佬仲超好打。
戲中冇靚仔男主角，越睇越眼瞓，好彩今次响 IMAX 睇，畫面都幾靚，但內容冇咩刺激位，就算打交都因為太一面倒，次次柏修斯都係捱打最後先好彩咁蠃。
比我再揀未必會再去睇呢套戲...
No comments:
Post a Comment