 |
| http://www.openrice.com/restaurant/sr2.htm?shopid=3423 |
一向鍾意火邊爐，間中就走去平靚正既尖東德興，星期一至四每人 H大D125，包湯底同加一，食物都唔錯，要混醬另加 HKD9 一個人，可樂HKD18/ 三罐，都 OK 底的。
幾個月冇去了，尋日抽起條筋想食，去到唔駛等位，雖然係坐走廊加枱位。星期五任食價係 HKD141一位，依然係包湯底同加一，比起星期一至四都係貴少少，查實都 OK。
不再一樣既，首先係食物份量，細左，其實都接受倒的，唔夠食既叫多幾次，但每次叫完都等好耐先送到黎...
另外就係送食物既問題。第一轉寫左 2 份牛肉，送來了 1 碟 4 片；第二轉寫 4 份，黎左 3 份各 4 片；第一轉寫左 20 份食物，送來了 8 份，食完了，入第二轉單，約 8 份食物，轉頭送來了一盤 5/6 碟完全唔係我地點既食物，阿姐話：邊碟係既你就拎啦；食食吓送番第一轉冇比我地既野，結果失晒預算食唔晒.... 但我點三份菜佢最終都係送黎左一份...
食物質素方面，尋晚點了平常常點蘋果湯底，但尋日個明顯多左味精冇以前咁清；多左好多雜料；食物除左牛肉同羊肉外其他都一般，或者可以話唔係好得。
最後一個不一樣既係好野：酒家部長好細心，見你想洗野佢自動拎個玻璃盤黎；見我朋友拎個匙起身想自己轉左隔離枱個匙，佢即刻自動幫手；阿姐送湯底來，見個爐唔係好得佢幫我地換左兩次；隔離枱投訴太耐冇食物，服務員捧來兩盤食物叫佢咩啱食既食住先。相對於以前，服務好左好多的～
總括黎講，應該唔會再番去食了，要平唔算好平，好食唔算好食咁... 主要係，另外發現左兩個火煱新竇, haha~
PoCari, 同意，而家好多任食火煱，美心都唔錯，任食任飲任混醬～
ReplyDelete