用有線，遲早痴埋線

上年家人貪平好地地將個固網電話由 PCCW 轉左有線寛頻電話，其實用呢個 service 都冇咩問題，反正屋企部電話都係為左 KEEP 住個電話號碼以防親朋戚友打黎，大家都冇咩要求。一如以往，呢間公司既所有問題發生都只係 cut service 既時候.... 

話說早幾日有線合約又約滿，五月中佢地已經寄信黎叫我地續約，但經過家人四出格價之後，發現NWT仲抵玩，於是合約到期又轉台勒。五月底已經通知有線要轉台，有線表示對家公司會同佢地安排，我呢邊冇野再要跟。

前幾日正式約滿，今朝有線無端端打黎叫我還番啲數據機同配件，CS 口頭叫我下星期內還機，比左個地址我，但間公司係一間禮品換領中心，並唔係有線。收左線覺得唔妥，打番去問點解你地公司唔寄番封服務終止確定既文件我地，客戶服務既人話三十日內會寄黎，但如果我三十日內唔還機就要罰九百蚊。

拿，我五月尾已經通知你我唔用你 service, 你封 ‘服務終止確定書’ 跟本係預設內容 print 出黎，咁大間公司，點解冇 procedure 話到期內 X 日內會寄出封信？老實，係人都知有線 cut service 既頻率唔方低啦，應該好熟手架喎。仲有，你唔寄信比我，我拎部機去禮品公司還，到時還左人地話冇收我點算？呢個係 standard procedure, 唔係我無理要求。

最離奇係同日下晝，我已經收倒封服務終止確定書同另一封 ‘付款通知書’ ---- 冇錯， 係 7﹣10 月既月費！！！！

既然你寄得封 服務終止確定書黎，即係有線好清楚我要停用，何解你又同時叫我比錢？？？ 由於費用係自動轉賬，冇得話唔交就算，所以又到左鬥耐性既時間，打電話去有線.....電話响左好耐，有個姐姐仔用電話錄音咁既口吻叫我留電話，我話唔想等人答我，唔留勒，佢好強調三日內有人覆我，我話：我三日內未必好得閒 standby答你覆我既電話喎，我要求等人聽，佢個姐姐仔再講價：24 小時內覆你... 我堅持等.....結果，等左十幾分鐘，有個女仔答我：

有線客戶服務 （CS）： 由於自動轉賬，我地公司尋日已經向信用咭公司申請費用，正常一至兩日內就過數比我地，所以我地無法終止轉賬，唯有收錢後六至八星期再退番錢比你

本人：筆錢跟本唔應該過數，我七月終止服務，你同日寄封服務終止確定書比我，即係你公司好清楚我定用，點解仲要夾硬扣我一期數

CS：唔好意思，由於我地公司既系統每個月更新一次，今次黎唔切更新，所以已經上左條數比信用咭公司，冇任何辦法

本人：你系統幾時更新其實唔關我事，咁大間公司開左咁耐，呢啲問題唔通第一次發生？點解可以有呢啲問題，我要求你即刻通知銀行唔好過數

CS：唔好意思，已經上左條數，我地冇辦法，或者我地做 remarks 要求公司儘快處理退款..... 

明白再講都冇用，結果半個鐘內投訴去左消委會同 OFTA，希望快啲有答案啦... 

P.S.: 打去有線連等同講，總通話時間 ﹣ 1小時8分鐘.... 浪費時間

泰式 massage

幫襯左一間响 TST 既泰式按摩舖已經四年幾，雖然响舊樓上面，但入面格局係舒服既，師傅都係泰國人，啲 staff 都好 nice. 自問都算骨精，格一排就要去比人揼，香港，泰國，大陸有時間有機會都會去 massage, 呢間手勢各方面都 OK, 重點係正經，乾淨同唔太 hard sell. 同大陸一定比較係貴，但計番時間同車錢，我寧願响香港做 massage. 

無端端講起呢間野，係因為同朋友講開佢想去呢間 massage 試吓，我問間舖先知佢地呢排响某網站做 promotion, HKD198 可以試做 1 part 60 mins thai massage or 45 mins aroma massage. 有興趣既私留回應，再話你知.  

你團購左未呀？

唔同既團購周圍都見倒， 我其實一啲團購既意欲都冇，但就比身邊既人推左去試左幾個團購，結果係....

I） HKD138/ 一份泰式二人餐：入面有一份海南雞 （7﹣8舊冇骨），一碟咖喱蝦 （兩隻手板咁大既蝦開兩邊，即係一人一隻 ONLY，味道 OK 既，唔算好好食），一碟生蝦 （6 小隻一碟，但係爽身同新鮮既），一碟菜，二碗飯，二杯特色飲品

點解去：有個 auntie 買左兩套飛叫我一齊去食

訂位：一打去就訂倒位，OK （但我地 weekday 下晝去）

價錢：埋單要比加一 （買嗰時已經有寫明），但係加一係按個餐折前價計四百蚊去計，所以夾埋一共 HKD178 一個餐先係實價。餐廳聲稱剛裝修完，但比較似剛易手, 一來上菜超慢因為廚房出唔切，二來侍應唔熟手, 同埋我地 BOOK 左 一點去，一點去到佢話啲蝦剛到而家先整，結果頭盤變甜品咁上。兩個餐四碗飯，分四次上枱，每次都要催先有一碗 ....

結論：每碟份量唔多，唔知係咪將價就貨，四個人去食泰國野要 HKD356, 我寧願去九龍城既舖仔食，揀啲自己想既既菜。雖然侍應好有禮貎 （講左幾十次唔好意思我地新裝修），但個 service 真係唔得

II） HKD99  CUPCAKE 整餅班 （原價 HKD280）

點解去： 朋友見抵，數人頭一人預左一張飛諗住一齊整餅玩

訂位：七月開始訂，因我地要 weekend 先得，結果九月先有堂上

價錢：聲稱原價 HKD280，但CUPCAKE 材料其實唔覆雜，老實邊駛咁貴。好多百幾蚊整餅班唔駛等咁耐先有得上堂

結論：未上，但 book 位已經超煩..... 

III）HK88 油畫班 (HKD400/ 3 hour)

點解去：呢次我冇 join, 因為堅係冇天份同興趣

訂位：因間舖既位置問題，朋友想放工時間，一星期前買左再開始BOOK， 日日狂打電話最終 confirm 7月尾先有位 （3 個人）

價錢：打去 BOOK 先知要畫柜另加百幾蚊，唔駛錢既可以比個環保袋佢地畫。冇人教同冇人協助，要人教既就要加錢，講明團購只包場地同顏料

結論：朋友話未上已經一肚氣

身邊朋友 JOIN 過團購既，我聽過  Triple O's HKD50 coupon 堅可以用冇問題之外，其他都唔太滿意，但好多人都不停 whatsapp/ facebook post 買唔買 XXXX 團購咁.... 唔通香港人個個都真係 ‘天生購物狂’？？？？

黑癲鵝先生 (Mr. Popper's Penguins)

劇情唔多講，故仔查實好簡單。占基利依然好得，企鵝好可愛，某程度企鵝仲搶鏡過 Jim Carrrey ---- 唔駛出聲都引死人 

輕輕鬆鬆九十幾分鐘，全場笑聲不絕，真係老笑咸宜。雖然係笑片，但背後都有啲 message，我鍾意睇套多過最新既 Transformer ^.^

Escape Game Ranking

啱啱寫完新 game solutions, 循例又玩一次睇吓個 flow 有冇問題, 之後 submit 個 score, 响 ranking 見有 record 响 24秒， 32 taps 完成個 game. 去睇吓其他 game，見好多幾十秒就玩完，其實邊有可能.....

The Letter that had to wait (USD0.99)

好勤力既 AppNavi 又出新 game, 但呢個 game 有啲 hints 都幾無厘頭，真係睇 forum 先明..... 估吓我邊個要偷雞？

1）煤油燈的油 （油）：從門口右邊油燈最下

2）天秤盤：用油點於天秤，左邊天秤即可取下

3）揾地球儀 （唔用左魚糧拎唔倒小刀）

i)  用天秤 （冇字既一邊）點向魚糧，去魚缸餵魚，見缸內有提示 （R4＋L7＋R1）

ii) 魚缸下密碼，向右轉四次，左轉七次，右轉一次， ENTER，見地球儀

4）小刀：餵完魚，去番魚糧包，先可以拎小刀

5）石頭：去櫈，用小刀割開座位 cushion

6）鑰匙：書枱橙下柜桶有個金色位，放入石頭就可以打開柜桶

7）火柴盒：書枱右面第三格柜

8）銀色硬幣：小熊柜後地下。拎左硬幣，檢視頭，再用銀色硬幣，發現石頭係磁石

9）杯：火爐上掛畫，按幾次畫會跌落黎，暗格見杯。檢視杯，入面有火柴，拎左火柴盒既話火柴會自動入左去，否則要再檢視個杯，火柴先會入落個盒

10）金幣：

i) 用水杯去魚缸裝水

ii) 去綠色花樽前地下，按畫面中間位置有個位話有野响下面咁，用火柴點火，用水杯既水救火 （唔拎水會點唔倒火）

11）魚竿：用金幣拆開牆上固定魚竿既鏍絲

12）情書：去魚缸下面個柜既柜底，用魚竿拎出黎

13）魚線：拎完情書，檢視魚竿，魚竿變魚線

14）燈泡

i）去地球儀，用魚線，會見獅子座 （LEO）

ii）去書枱，書中間睇紙上提示 “180 180 0”

iii）去小熊下柜，輸入密碼 730 （解題：組合 i + ii 提示，將 L ﹠E 180 度轉，變左 7 ﹠3，0 不變）

iv）打開中間柜，見紅色盒，用拎左既鑰匙打開

15）放大鏡

i）番地球儀拎番條魚線

ii）組合魚線同磁石

iii) 去花樽用魚線釣放大鏡出黎

16）指環

i）用火柴點著火爐

ii）用小刀打開情書

iii）去牆上掛相，點紅色冇相既一個，見提示 ‘ 記憶封存到火焰中了....."

iv）將情書放入火爐中，等一陣番去火熄左，就見指環

17）相片

i）火爐上放住既畫，翻轉佢，有個圓形位，用指環打開

18）最後密碼

i）去書枱面，插入燈泡

ii）書上方有燈掣，關燈

iii）書枱面有字，用放大鏡睇，見 “Lead of Star” （開番燈先可以再行）

iv）揾房中四個亞拉伯數字提示 （解題：揾12 星座次序，揾倒亞拉伯數字既物體聯想有關星座，再數第幾個）

I: 天秤 （天秤盤背面）， 天秤座第 7 個星座

II：魚缸右邊 （魚糧對上），雙魚第 12 個星座

III： 獅子座，第5個星座

IV：花瓶 ＝ 水瓶座，第11個星座

v）去門口，輸入密碼 “712511”

走得....

iphone 之謎

前幾日放學時間搭 van 仔，好多中學生响車上，個個拎住部電話係咁底頭埋首狂襟，我諗佢地讀書都冇咁勤力。仲要部部唔係 iphone 4 黑／白就 samsung galaxy, 唉... 呢個世代個個阿爸阿媽都咁好，只怪自己出世太早。

自己仲用緊 3GS，覺得不停咁追機係永無止境，部 3GS 仲好哋哋，冇咩動機去換，諗住等出 iphone 5 先算。實際啲諗，換機唔駛錢咩！ 我有日搭車，見個同我媽咪差唔多大既太太都拎住部 iphone 4 打機呀， 有冇攪錯！唔係年齡歧視，只係我年頭諗住買部電話比亞媽仲諗緊 NOKIA 啲老人家機，冇諗過 iphone 咁快入埋呢個市場，真心佩服... 佩服個太太肯學，同佩服 iphone team.

我成日都諗，個個都換晒 iphone, 咁啲舊電話去晒邊？ 個個都用 iphone, 係咪真係用得晒佢既 functions? 我有朋友只用 iphone 打電話同影相，唔會裝咩 apps 入去，話唔識搞.... 問佢你咁又何必買 iphone, 佢答 ‘再唔出比你話我 out'.... 其實會唔會呢？

近期先發覺好多 shortcut  reboot 掣好多朋友都唔知，好似：

1）reboot: 開關掣 ＋ HOME （圓形大掣）長按，按到有個 apple logo 出現 （部機冇反應，開唔倒既時候先好試）

2)  iphone screen shoot：開關掣 ＋ 1 下 HOME 掣 （要解鎖後按先有效, photo 可以揾番張相）

3）Shut down apps: 按兩下 HOME, HOME 掣上出現一排 ICON 係備用裝態，再長按任何一個 ICON，按 ICON 左上角既 ‘﹣’ 號就可以真正 close 個 apps (要解鎖後先有效）<-- 呢個我習慣每日用完啲 apps 就 close，因為長期唔 close 啲 apps, 會嘥電同舊電死得快啲

最後記住，間中要响 itune backup 部電話，我一共換過兩次機，次次部機都係話死就死，太耐唔 backup 就好似我咁揾番晒啲 apps 裝，好多 game 冇晒 record...... 好可憐架