Ellie ﹣ Help me out... please (Free: Iphone apps) - 中文攻略

警告 ﹣ 膽小勿玩

又一免費逃走 game，有得買提示，誠惠 USD0.99 一個提示...十一個提示咪成舊水，邊個會買。

故事係話有個人（即係玩家）深夜時份去到一間廢屋，意外發現有台監視器，睇住一間密室內有個女仔，個女仔話佢比人綁架走唔倒，個綁匪响地震時比碎石打暈左响房，隨時會醒，只係鏡頭睇唔倒。玩家就係透過監視器屏幕教個女仔自己逃走。畫面只有左右兩邊，同樣係揾提示及用揾倒既工具幫手。

遊戲得八個 item 要揾，知密碼好快玩完，有兩個結局 （Good & Bad Ending)。坦白講，故事都算特別，背景音效都相當 creepy, 但真係太短。而我就覺得兩個結局都唔係 good 囉....

如果細膽又想玩，咁一係 close 左個背景音樂，同埋唔好深夜一個人玩。我自己就係半夜 download 完自己响到係咁玩，又唔諗起 close 左個音樂，玩完個音樂仲响個腦不停 reply, 跟住就記起個變態女佢反白眼個樣，可能咁先覺佢有啲恐佈...

簡單攻略如下：

1. 銀仔：枱前地下拎，再去床同枱中間响牆個裝置將銀仔整扁

2. 鏡：用扁左既銀仔可以拆出黎

3. 記事簿：先要個女仔去枱度求其開一格柜 （目的係要個女仔去到張枱邊，唔係要開倒個柜），再去右邊畫面，地下有個星形既左邊地下拎

4. 剷：

﹣去枱，先望牆上提示 

﹣去枱面右上角睇枱面既字：

1）由上至下睇晒 First Name, 再上至下睇 Last Name, 會見： OPEN DRAWER

2）字下既 730 同 830抽出，會變成：

         

﹣見倒上面既 ‘CLLCLC’， C ＝ Centre (中），L ＝ 左 （LFFT）， 得出指示 ‘中左左中左中’ 咁開柜桶

5. 介子：用剷，剷枱前地下粒磨菇，再剷話有條死屍，屍既手上有介指

6. 衫 ＋ 7. 風筒：

﹣去床頭，移開 pillow， 見床上有字但話熱風先睇倒

﹣檢視介子，問個女仔，話見入面有 （K.I.), 再放番隻介子入條屍既手，會見閃光 （Morse code)，對應番書枱牆上既提示，可以揾倒 :

短短 1

長長長 0

短長長 6

﹣檢視日記，問個女仔，佢話代衣入有風筒呀咁，再點佢個袋，個女仔話佢 reset 左密碼唔記得，所以要入幫佢入喎....

﹣輸入密碼：106 

﹣將風筒插入電掣，再吹床頭個位，會見一段文字 

8. 將衫放入廁所，沖水，水會流晒落地

9. 番枱中間一格睇，入面有字 ‘M. on star' 咁上下 (mirror on star)，檢視塊鏡，再去有星既一格地磚，叫個女仔拎住塊鏡企响上面

10. 個女仔拎住塊鏡會投射一點光响右邊牆，檢視個剷，去牆，會見個密碼鎖。去床邊，見牆上刻上左啲字“ VII  IX I II V III”， 將呢組羅馬數字轉換成阿拉伯數字，就可以輸入個密碼鎖： “791253”，地下個蓋跟住會打開。點個出口，個女仔會走.... 仲拎住個剷走黎殺埋你

無錯，呢個係 bad ending, 你死左！！！

呢個遊戲都話有 Good Ending 同 Bad Ending， 想知點玩 good ending 就响張圖之後繼續睇，或者你自己玩吓先，提示係同 “鏡 ﹠風筒” 有關。

Good Ending:

做完 step 9 ...

-個女仔拎住塊鏡，你要再點塊鏡，咁就會見倒個女仔真面目，同見另一個女仔响房入面，而佢先係真正既 Ellie。無論如何你都要幫佢出去，唔係佢就對真既 Ellie 不利

-完成 step 10, 响個變態女子走緊既時候點床上既風筒，咁風筒會漏電，電死個變態女仔。你唔點風筒既話，個結局都會變番做 bad ending

P.S.: 玩 good ending, 見倒個女仔真面目之後，未入密碼開通道既時候，點吓個房入面既野，好似真正既 Ellie, 廁所，同地下條屍，會見啲新對白，你會知條屍係邊個等等

_______________________________________________________

同場加映

Good Ending video ....  唔知點解好多人唔係好玩倒個 good ending, 所以出現左呢段片。

P.S.: 第一次拍，拍得唔好有手震，原來一邊玩一邊錄好辛苦.... 後半部記錯左密碼要番轉頭睇提示，白痴左啲但唔想花時間去 edit 條片或者重拍，大家將就吓啦  >.<

以前玩 Angry Birds 見可以錄成個 iphone 畫面同手指觸控有白點咁郁，但要十幾蚊美金買個 software. 有冇人識啲 free apps 都有呢啲 function?

Ellie... help me out please

美國隊長:復仇者先鋒 (Captain America: The First Avenger)

Captain America 改編自一個美國漫畫角色，我自己沒有看過漫畫版，不知電影版有否忠於原著。電影版背景為第二次世界大戰，內容關於一個天生多病潺弱之主角 Steve 立志從軍，多次應徵被拒後於一個偶然機會下, 因為他的從軍決心及好心腸，被 Dr. Erskine 選中參加了一個美國軍方實驗計劃，遙身一變成為一個 Super Hero。由於負責計劃之博士實驗後馬上被暗殺，所以 Steve 亦變成了唯一一個實驗下之 Super Hero~ 

而這次 Captain America 的對手，就是 Dr. Erskine 在幫助美國政府之前的另一個半成功試驗品 - 紅骷髏 (Red Skull)。而效力德國納粹黨的 Red Skull 與一個天才武器發明家，利用一個來自神的 energy cube 研發大量強力武器。

結局當然是 Captain America 得到最後勝利，但在改變射向美國的導彈方向同時，他連人帶機掉進了被冰封的地底。沉睡七十年後被救起...

  

這套戲片長 124分鐘，相當傳統的美式打不死英雄片，故事背景交代得清楚明快，總算沒有悶場，但 Red Skull又好像死得太簡單。男主角 Steve 是 Fantastic Four 裏的 Johnny, Steve 的角色他做得很投入，比 Fantastic Four 的角色吸引好多。軍人女主角性格鮮明，槍法好好。Dr. Erskine 於電影初段就死了，但每次出場我都特別留心睇，感覺好像個慈父～ Howard Stark 的出現，馬上令人想到他兒子 ﹣ Iron Man~

是片尾有下集預告 ﹣ America Hero 大滙集， 應該有  Iron Man  ﹠ Thor.... 會不會有點亂呢？

可能看之前沒期望，睇完覺得這套戲是不錯的。角色有血有肉，沒有 Iron Man及 Thor 那種自我英雄主義，Captain America 從頭到尾到在做 Dr. Erskine 想他保持的 - Be a good man. Steve 跟女主角的感情線含蓄得來帶點窩心，像 Steve 誤會了 Howard 約女主角去 Fondue 而呷醋，女主角睇戰地錄影片，其中一幕 Steve 在看一個有她相片的鉈錶等等。 

有興趣可以先看 Trailer，youtube 上已有很多惡搞自制大匯集版預告片，一看無妨～ 

P.S.: 因為 2D 版實在很難買飛，唯有看了 3D版... 中途沒用 3D 鏡片睇，發現只有字幕是 3D效果....

格價專員

Case 1: 今日打算買支平 eye gel 做完 gym 用，行過屈人寺見 Olay 有隻 15 g 既 eye gel 原價 $12x, 有 75折，於是拎去比錢，點知收銀姐姐話：呢個係正價貨，有九折，多謝 ＄11x

但我好似記得係 75折喎，於是收銀姐姐叫同事 check 貨架，答案係：買兩件先有 75 折... 

諗住聽日出TST， 不如去龍城買啦，又唔趕用，於是我冇買就走左。行過幾個舖位，見萬O，走入去睇，同一支 product 萬O 賣 ＄11x，仲係7折，我比錢前去問收銀姨姨，confirm 係一支都有折，即比。平過屈人寺三十幾蚊。

Case 2: 尋日，陪朋友去買支 banana boat SPF80 防曬, 去過萬O，屈人寺，惠康同兩間百佳，結果係大既百佳最平，我地買左 ＄54.60 ，最貴嗰間係公價之中最貴之餘仲冇折，貴我地買左嗰支三十幾蚊。 

Case 3: 朋友家人結婚, 陪佢去左百利睇晚裝，入過幾間靚門面既都要六百至八百。入到一間門面比較亂同細既舖，差唔多款（其實我堅覺得條條差唔多），三百幾就得，朋友好豪咁買左兩條諗住日一條夜一條，嗰刻我地都以為買左平野。隔左一日，朋友諗住帶另一個 friend 去買，點知行去同一個場另一間舖，驚見二百五十蚊一條就有交易，仲要同佢買左既其中一條裙一模一樣款同色, 另一條都有。兩條夾埋一共買貴左二百幾蚊..... 朋友激死左！

Case 4: 講大型啲既電視，朋友家買左部 Samsung 40" 電視，唔係新款既 LCD monitor, 價錢 ＄78xx。我屋企嗰部係今年過年前買，有信用咭優惠， Samsung 42" 都係唔新款既 LCD，＄58xx。

我以覺得買野格價好嘥時間同無聊，心諗差得幾多丫！但係，以上只係我 ‘對上一個星期’ 發現同發生既 case, 諗落咁多年黎應該都比人呃左唔少錢..... 

AppNavi Escape Game: The Black Lodge 黑色山莊 （Free)

等倒勒等倒勒，但呢個係咁多集以黎最最最最易玩既一集，一次過唔駛停就玩完.... 可以整番啲有上準既 game 嗎? 呢兩日兩個 game 都好令人失望.....

今集係話個偵探揾人揾到比人 lock 住左，走左出去發現唔記得揾人既事......

1) 藍色鎖匙： DVD 機左邊隔離。之後用呢條匙去白色門化粧間

化粧間入面-

2）搖控器：房內，打開有鏡個柜最底一格，移開黄色個桶

3）梯：房角位雜物柜左邊

4）紅色鎖匙：雜物柜第二格有個箱，移開個箱就見

離開化粧間-

5）洗滌液：平排既兩張書枱，右邊書枱，右下格柜桶

6）刀：平排既兩張書枱，左邊書枱，枱面，拎開橙罩

7）杯：平排既兩張書枱，左邊啡色餐具柜，最低一行中間隻杯

8）DVD：高身啡色文件柜底下，用紅色鎖匙開柜，開埋入面個 DVD 機

9）黄色鎖匙：高身啡色文件柜上方，用梯，打開頂格柜

10）不倒翁：高身啡色文件柜頂，用梯就拎倒

11）毛巾：獨立書枱，右邊中間一間

12）便條紙：獨立書枱，枱面，筆記簿夾住 

13）綠色鎖匙：書枱後，左上角有個小神壇，用梯上去，打開中間門

14）藥片：小神壇下，用刀挖植物泥土

15）噴劑：再入化粧間，用黄色鎖匙打開左邊高柜最底一格

16）最後.....

i） 去洗手盆，開水喉，放入白紙，見提示： 全部用阿拉伯數字表示

ii) 用噴劑檢視不倒翁，見背面提示

iii) 去門口左邊既電視下 DVD 機，用搖控器打開電源，放入 DVD

iv) 去電視，用搖控，見屏幕有條錄影片段，再按有位輸入密碼，但之後要番出去。按以下程序揾密碼：

DIARY...35794

用綠色鎖匙打開靠地既文件柜，內有日記，見 hbLSE -> 上下倒轉睇

DOOR... 7134

a）用杯裝水，放入藥片，水變紅色，再加洗滌液，水變紫色

b）檢視毛巾，用杯，毛巾染紫

c)  睇完DVD 既錄影帶見電視同大門中間有個位發光，用染左紫色既毛巾抹上牆，見密碼 hEIL, 都係上下倒轉睇

TV...  9012 睇完 DVD 條錄影片，從DVD 機拎番隻碟，再去睇電視就見。或者一早未放入 DVD 用搖控開電視都可以見到同一個密碼 

CALENDAR...20659 去掛曆，用噴劑，見 b5qo2, 再上下倒轉睇

v) 番電視下 DVD 機，放回DVD， 用搖控器去點電視，去到藍色畫面要輸入密碼，入完密碼，禮成～

限時免費： iSlash

今日iSlash 限時免費，原價 USD0.99。我自己都係三月左右又係免費時 download 左，已經過晒關。

呢個 game 係考反應，畫面好多飛鏢亂飛，你操控既係一把刀不停將個板切細，切倒飛鏢就要重新黎過，無限次重玩，直到切塊板細到指定比例為止。飛標有時會加快，會爆開變幾個，有時切得好大塊既會有 Bonus functions, 例如飛鏢會有幾秒飛慢左咁。

目前遊戲有三組，每組 50 關，真係有排玩，由於唔知免費到幾時，大可 download 左先，得閒再玩～

可以按呢條 LINK 下載：Download

P.S: 同場加映一個叫 Treasure Seekers: Visions of Gold, 又係限時免費，啲人既 comment 唔錯，我 download 左見畫面都幾得，係响混亂既畫面入面揾指定既 object, 有提示，有興趣就趁手勒

AppNavi Escape Game: Prisoner of the Night Sky 被捕獲的星空 (USD1.99)

AppNavi 新 game 黑色山莊未出之前，殺出個新 game... 今日下晝有事出左街冇電腦用，只有一邊玩一邊用個腦記住啲 steps 番黎寫攻略.... 原來好辛苦 >.<

順帶一提，呢個 game 一啲都唔難玩，根本唔值 USD1.99, 未 download 既諗清楚....

故事背景係男主角個女死左，主角發現佢女既遺言去佢房要打開個柜... 最後係，個女錄左隻 CD 版既遺言比佢。

1）天使擺設：化粧枱枱面

2）鐵錘：書枱低

3）銀色鎖匙：用鐵錘打爛天使擺設

4）藍色邊黑色顯示屏：用銀色鎖匙打開書枱右排中間柜桶

5）尺：書枱右邊近牆，垃圾筒內

6）金色鎖匙：床上公仔個鼻 （要先睇書枱上張相）

7）紅色邊黑色顯示屏：用金色鎖匙打開白色小柜最底一格

8）發條匙：白色柜上既音樂盒，按幾下就拎倒

9）電池：去電視前既紅色公仔，用剛剛拎既發條匙放响張公仔櫈既右邊，再按，公仔企响身，梳化入面可以拎電池

10）綠色邊黑色顯示屏：化粧枱，用鐵錘打爛玻璃

11）窗簾搖控：床下底有個木箱，檢視鐵錘將佢變做起釘器，就可以開個木箱。順手檢視同放入電池

12）黄色邊黑色顯示屏：去百葉簾，highlight 住個搖控再點個簾，簾會拉左上去，窗下方就見。用完拎番電池出黎

13）記事簿：去化粧枱後近牆既位置，用間尺拎出

14）天象儀：

i)  睇書枱面本書

ii)  睇記事簿

iii）關燈，睇四色顯示屏，各有一個星座响入面

iv） 睇房內四個數字

垃圾筒上邊近衣柜：0

枕頭底：9

電視後牆上：6

衣柜右下角 ： 3

v） 將四色顯示屏按下列次方位放入去：

衣柜後：綠

床尾：紅

床邊：藍 

電視柜後：黄

15）星星鎖匙：

i）檢視天象儀底部，入電池

ii）將天象儀放於書枱左上角，關燈，睇天象小故事

iii）睇書枱右邊近垃圾桶提示：輸入第一位數字

iv) 白色中間一格柜內睇提示： Procyon Sirius Betelgeuse 

v）去化粧枱中間一格輸入：760

16）CD: 用星星鎖匙開白色柜最底一格

最後放 CD 入電視下部機，再睇電視就可以勒～

AppNavi: 黑色山莊 ﹣ 預告

根據新浪微博，本來 8 月4 號 有個新 Game “黑色山莊”，唔知駛唔駛錢，但係最新既 message 係：

     

     

新 game 個畫面：

     

大家聽日應該都唔駛等勒～

Update @ 5/8/2011

• 微博
• 他的资料

全部 原创 图片 视频 音乐

搜索 高级搜索

快捷键列表：1 微博输入框 2 微博内容列表 3 搜索输入框 4 新消息

• 让大家久等了，这款游戏终于要在6日星期六与大家见面了！赶紧从这逃脱吧。

  @AppNavi：#逃脱游戏#游戏预告【黑色山庄】，即将在8月4日上线AppNavi的最新游戏。这次的故事发生在一座山林，到底在这能发现什么呢，敬请大家期待！

  

  8月1日 10:02 来自新浪微博

  转发(9) | 评论(8)

  今天 11:00 来自皮皮时光机

  转发 | 收藏 | 评论(1）