Please click~~~

1/11/2014

大棠紅葉

近幾年香港龍友一族大增,好多時見小朋友都拎住部價值不菲既單反機周圍影。唔識影相既朋友都會買番部傍身,正所謂唔打得都睇得丫嘛!

網上好多龍友討論區,真心配服一班有心之仕攀山涉水,捱更抵夜只為拍出幾張靚相。更厲害既係佢地可以响香港呢個彈丸之地揾出無數 '神秘拍照點'。

大棠紅葉,其中一個入冬拍照影點其實並唔係新野,唔知係咪網上效應加上生果日報數次吹捧,加上呢個係眾多特別景點中比較易去既地方,今年搞出個人龍出來。

12 月尾 weekday 其間放假,諗住人唔會多於是去行吓,結果忘記了一眾族假學生哥,去到發現.... 好似去左行年宵。要影相冇人既紅葉照就要好似我咁 '向上發展'了。

坦白講,由落巴士行到上有紅葉既地方差唔多要成個鐘,但紅葉既數量,茂密度其實遠比遊人少。當做一日郊外遠足遊尚算唔錯,真心欣賞漫山紅葉大概都要番日本,韓國或者加拿大了 。


2 comments:

  1. 點解咁耐都冇UPDATE 既?? 最近忙工作嗎?

    ReplyDelete
    Replies
    1. Hi PoCaRi, 剛剛出差十幾日番黎,前後忙左幾個月,暫停寫 BLOG 好耐 :P

      Delete