身外物

有冇計過自己有幾多對鞋，幾多件衫，幾多個袋，幾多支筆.... 每次執屋執房，不其然諗：其實我呢世都唔駛買衫應該都夠著過世！但過幾日就好次被洗腦了，見倒就繼續買呀買呀。成日行街都買好多唔等駛既野番黎，房中每寸地方可以僭健既都幾乎被放滿雜物了。

有一晚，發夢，要走難，手中只有一個大背包，有幾分鐘時間要逃離屋企，發現玩完唔知應該帶咩走，發呆之際，荒忙中醒了，夢中過程記不住，記住既只係夢中既感覺。醒後發覺其實只要帶証件，錢同電話走，擁有既一切其實可有可無，一切皆是身外物～