本來都忍左佢，點知轉頭佢‘飛’左碟蒸魚黎 （真係飛，因為個蒸魚碟係飛離左個墊底碟四分一），頭也不回又想走。我大聲同佢講，我冇叫蒸魚，佢答都唔答，回番兩步拎左碟魚走....
何解叫佢跟單佢望都唔望就走左去，大嗌 “蒸野係要等架啦”就當答左我，求求其其又飛碟野過黎就當係交差？佢跟本當我透明。
嗰刻我忍唔住大聲同佢講：你唔好走住，你跟本唔知我叫咩追咩單你點解唔望吓我張單先？點解我同你講幾轉野你都完全唔理我當我透明？
但阿姐再次唔理我... 走左去!!!
由於呢間茶餐廳都食左幾年，老伙記都認得我同我朋友，有一個走黎問咩事，我講番佢知，老伙記話呢個侍應好少做樓面，唔好意思，我請你飲杯野下火啦... 說時遲那時快，個阿姐又行過，講左句：我冇錯喎，佢追單我咪去追囉，咩事啫
自問呢幾年已經收火，但EQ係負數既我，忍唔住對佢連珠爆發... 呢個阿姐應該係我呢兩年內唯一一個令我發火既人。另外有兩個老伙記都走黎調停，又話送湯又代佢道歉，但我堅持要個阿姐自己道歉，我唔係想要便宜，唔駛佢地送任何野。結果，過左十幾分鐘阿姐比人拉左過黎道歉左一句就走左，我都冇再理佢......
走時見佢比人調左去收銀，我望左佢一眼就走左出去。朋友比完錢，行出黎同我講，佢邊收錢邊响到喊... 隔左陣朋友淡淡然問左我一句：其實你想要咩結果....
嗰一刻，我腦入面不停諗其實我係咪真係過份左... 其實自己為啖氣何苦令人地咁唔開心.... 人地都係打份工啫....
後悔 ing....
下？但佢咁既態度真係唔得喎
ReplyDelete道下歉都要喊？
咁點解會做樓面？
事實係，如果無人好似你咁有勇氣將問題講出黎，到頭來吃惡果既會係間餐廳。
ReplyDelete每個人都要對自己做錯既事負責任。如果個阿姐係覺得自己真係無錯既，比人炒左都唔應該喊。
香港現在沒有幾多人好似你一樣有話直說，所以我倒欣賞你。
PikachuEXE: 可能阿姐其實係做收銀唔係做樓面，可能佢係新入職... 唔知呢...
ReplyDeleteKojason, 以我既性格點都會出聲，但應該用好少少既語氣同態度... 自己檢討中...
ReplyDelete我都同意kojason, 係個阿姐自己有問題在先，其實作為一個顧客，你大可以唔出聲以後唔再幫襯，由佢繼續鬧走晒d客，你同佢地講個問題所在，佢地應該多請你令佢地知有咩要改善
ReplyDelete同埋個阿姐喊唔係因為你既語氣or態度，佢只係唔順氣比老細話，如果係因為你既語氣or態度, 喺你話佢個陣佢應該己經喊左啦
唔係你既問題，不需後悔
Thanks Agnes ~
ReplyDelete劉華都話：今時今日咁既服務態度係唔夠架！
ReplyDelete你無錯，佢咁既態度，你唔話佢都實有人話佢，佢應該慶幸你肯出聲，越早有人投訴，就越少人受到咁既待遇，佢個名都無咁臭。
彌賽亞，我嘈完阿姐都有諗過即刻上 openrice 寫衺佢架.. 但冇做到 ：P
ReplyDelete