逆戰，聰明地响馬來西亞取景，周街可以做爆破，放三架直升機亂飛，成街車任撞，相信响香港都好難做到。
故事其實幾好簡單，周杰倫飾演既國際安全局探員 Jon 响中東出任務其間意外受傷，子彈入腦隨時死亡，同事兼女朋友於同一任務中死亡。Jon 知自己時日無多，決定回家陪行動不便既媽媽 （金燕玲），此時媽媽先講出當年係佢帶住 Jon 離家出走，而家想見番 Jon 既老豆（廖啓智）同阿哥 (謝霆峰）。Jon 擔心自己如果死左媽媽冇人照顧，所以專程去馬來西亞諗住帶老豆同阿哥番去見亞媽，點知阿哥剛剛逃獄被通輯，重要帶住個老豆同個女逃亡。Jon 為左保護阿哥一家，決定瞓身幫佢...
成套戲完左，都覺得周杰倫得一個樣，唔多覺佢識做戲，但身手都幾好 ； 雖然謝霆峰殘左好多，但佢做周杰倫大佬好多唔多似囉，但謝生確實做到七情上面；安志杰由頭 chok 到尾，由頭講英文講到尾，係咪想靠佢將套戲升級扮荷里活西片？成套戲好落本做特技，爆破同打鬥，可惜太誇張，兩個主角不停中槍都打不死，次次比人追次次都走得甩，個細路女最後比人注射病毒變晒樣，焗响個袋入面咁耐，最後疫苗都未出倒，但最後都冇死？馬來西亞重犯霆峰點解最後可以去見完北京阿媽先去自首？朋友話齋，講故唔好駁故，唔好帶腦去思考睇吓套戲都 OK 既。
戲中廖啓智同金燕玲戲份唔多，但好搶！尤其係金燕玲，好鍾意聽佢講國語，由宋家皇朝開始已經覺得佢講國語超好聽～劇既尾段佢演譯比謝霆峰既錄音一場，好正....
1/30/2012
1/29/2012
過馬路要小心 - 後篇
到而家，我個腦都圍繞住呢個婆婆瞓响地既畫面....
1/27/2012
Being Alone...
有時自己遊盪中朋友打黎，知我自己一個話要黎陪我，我都會推左，享受自己一個人既時間...
一個人去睇戲，唔駛等其他人等閒或者對同一套戲有興趣先睇 ；一個人去旅行，唔駛同其他人夾時間，夾 budget， 夾興趣... 當然好多時會比二人同行價貴；一個人留响屋企，可以靜靜哋睇書，睇歌，睇收音機，打機，鍾意瞓幾個鐘，瞓醒覺再揾食，咁樣過一日其實好 relax ; 一個人去行街, 唔駛人等我我等人，睇啱鐘意留幾耐試幾耐都得；一個人食飯, 好多時都唔駛等位，就算等都係等一陣，特別係日日都咁旺場既壽司舖。
當然自己都鍾意同朋友一齊吹水食飯行街，但有時太多呢啲 gathering 同 function 既時侯，會特別掛住一個人獨處既時間。
曾經有朋友話覺得我好怪，又有朋友話點解唔約佢，我只能答一句 ﹣ 我係自閉宅女囉～
點解突然寫篇咁既野？因為上星期有一日放工自己走左去行街，中途走左去食壽司做晚餐，隔離座左對年青拖友，女既用一把自以為好細聲既卡通聲（但我都聽倒既音量）同佢男友講：個女仔（即係我）自己一個人食野好慘呀，好彩我有你陪咋.... 聽佢講野真係聽到毛管戙，堅想回佢一句：同你食我寧願自己一個人食...
1/25/2012
AppNavi: The Hidden Present 隱藏的禮物 （Free)
主角成功走出，逃走迷朋友送上求婚介指一隻～
呢個遊戲係近期算唔錯既一個，唔太難都要用吓腦， good~
Movie: 金陵十三釵 The Flowers Of War
19 號已經睇左呢套金陵十三釵，但一直唔知點開始寫，因為呢套係一套相當沉重既戲，查實唔太應該响新年檔期上。
成套戲既語言主要係用南京腔既國語同英文，明符其實係一個國產外語片，唯一認識既演員係 Christian Bale, 同導演張藝謀，睇完既感覺係套戲節奏算快，唔悶，戰爭部份好寫實，人性描寫得好清晰，但最後十二釵加埋個男扮女裝既小男生代替十二個女生去赴會既下場冇交待到令人覺得套戲好似唔完整咁。
套戲應該係用中國背景但主要比美國市場既戲，南京大屠殺呢條橋已經唔新，市場上亦一直不乏戰爭戲，而呢套十三釵中戰爭場面其實唔多，但都成功令人睇到心寒同心痛。戲中既玉墨有樣有身裁，做戲唔錯，好大機會繼鞏琍同章子怡之後殺入荷里活既中國女星。
套戲做到一半，朋友話明明十四個妓女死左兩個，得番十二個，點解會係十三釵，我仲話佢數錯，到最後先發現原來朋友是對的... 輸左餐飯 >.<
成套戲既語言主要係用南京腔既國語同英文，明符其實係一個國產外語片，唯一認識既演員係 Christian Bale, 同導演張藝謀，睇完既感覺係套戲節奏算快，唔悶，戰爭部份好寫實，人性描寫得好清晰，但最後十二釵加埋個男扮女裝既小男生代替十二個女生去赴會既下場冇交待到令人覺得套戲好似唔完整咁。
套戲應該係用中國背景但主要比美國市場既戲，南京大屠殺呢條橋已經唔新，市場上亦一直不乏戰爭戲，而呢套十三釵中戰爭場面其實唔多，但都成功令人睇到心寒同心痛。戲中既玉墨有樣有身裁，做戲唔錯，好大機會繼鞏琍同章子怡之後殺入荷里活既中國女星。
套戲做到一半，朋友話明明十四個妓女死左兩個，得番十二個，點解會係十三釵，我仲話佢數錯，到最後先發現原來朋友是對的... 輸左餐飯 >.<
1/24/2012
Movie: Journey 2 The Mysterious Island 地心探險記 2 世外秘島
年廿九深夜去左 Mega Box IMAX 睇呢套戲，去完黄大仙，行完花市，兩點幾就到左戲院，但套戲要三點三十五分先開始....
去到 Mega Box, 所有樓層都封晒，得番戲電梯直上戲院樓層，打吓機，吹吓水，好不容易等到夠鐘入場...
套戲既內容其實好簡單，主角之一尚恩阿爺揾倒金銀島，小人國等等既小說內提及既世外秘島，發個電訊叫尚恩去南太平洋既一個島揾佢。尚恩個大隻佬繼父為左討好尚恩，決定帶佢去再証實比尚恩知一切都係假既。去到之後發現個島確實存在，但好快就會沉於海底....
故事好多位其實都幾奇，好似騎密蜂，點解可以控制隻密蜂飛邊個方向？個百四年前既潛艇點解會咁先進呢？之前要穿過個暴風先可以到既小島，點解用潛艇就可以離開？當然，睇故唔好駁故，去除幾個奇點，大隻佬繼父震胸彈結他唱歌其實都相當有笑點，加上袖珍象都好可愛～
之前去過 IMAX 院睇幾次戲，但都唔係 3D 版本，原本帶去既私伙 3D 眼鏡去到 IMAX 院都冇咩用，最終都要用番戲院派既眼鏡。IMAX 院既 3D效果好得，超大屏幕，真正既 3D 感受。
去到 Mega Box, 所有樓層都封晒，得番戲電梯直上戲院樓層，打吓機，吹吓水，好不容易等到夠鐘入場...
套戲既內容其實好簡單，主角之一尚恩阿爺揾倒金銀島，小人國等等既小說內提及既世外秘島，發個電訊叫尚恩去南太平洋既一個島揾佢。尚恩個大隻佬繼父為左討好尚恩，決定帶佢去再証實比尚恩知一切都係假既。去到之後發現個島確實存在，但好快就會沉於海底....
故事好多位其實都幾奇，好似騎密蜂，點解可以控制隻密蜂飛邊個方向？個百四年前既潛艇點解會咁先進呢？之前要穿過個暴風先可以到既小島，點解用潛艇就可以離開？當然，睇故唔好駁故，去除幾個奇點，大隻佬繼父震胸彈結他唱歌其實都相當有笑點，加上袖珍象都好可愛～
之前去過 IMAX 院睇幾次戲，但都唔係 3D 版本，原本帶去既私伙 3D 眼鏡去到 IMAX 院都冇咩用，最終都要用番戲院派既眼鏡。IMAX 院既 3D效果好得，超大屏幕，真正既 3D 感受。
1/23/2012
AppNavi: Prank House - 3D (USD1.99) ～ 1月22日起限時免費～
AppNavi 一日出左兩個 paid apps, 呢個又係 3D， 再次決定等佢免費！
Download link: http://itunes.apple.com/hk/app/escape-game-prank-house/id490957243?mt=8
23 January 2012
兩星期唔夠就免費了， yeah~ AppNavi 農曆年送禮～
3D 畫面唔錯，場境都算多，有兩組呃人提示擾亂視線之外，其實尚算合情合理，唔錯既一個遊戲～
主角自駕遊迷路，見一間屋打算入去問路，點知一入去就被困，要自救逃出。走出後見一對年老夫婦，主角仲敢死收人禮物，番到去睇倒原來該對夫婦係著名建築師，整間屋出黎自娛娛賓～
1/21/2012
龍年行大運
每年慣例都會用鼠尾草薰吓間屋
仲有半個鐘就係年廿九，剛剛去完旺角行花市，人山人海，迫迫吓推推吓就行完，冇買到野。本身想買盤花，但响咁多人既情況下行都唔太行倒，實在唔敢再托多盤花走。行完花市差唔多十點幾，仲有好多人剛剛先開始去，雖然人多，但好有過年氣氛 ＝）
話咁快就到龍年，先同大家拜個早年，祝大家：
心想事成 身體健康 笑口常開
1/19/2012
“等”過馬路要小心
話說日前經放工，見屋企附近有段馬路圍左唔少人，重有救傷車同警察响到，由於回家之路一定要經呢段路，唯有左穿右插咁行過去。去到中間安全島，見有架私家車‘停’左响安全島側邊，其中四分一個車頭同一個車肽都剷左上安全島，唔見地上有血，傷者都應該送走晒。
四周既路人個個都好似目擊事發經過咁討論，大概係架私家車高速轉彎失控上左安全島，撞倒幾個人。
另一次係食晏時，目擊有架小巴左轉時左邊兩個車肽前後都碌左上個行人路，好彩冇人受傷。小巴快速開走左，行人路上差少少被撞既人不停鬧個司機... 當然司機已經唔知去左邊。
最離譜既係上幾星期我坐車由九龍城去觀塘方向，塞左個幾鐘，原來係有架紅色小巴剷上巴士站，報紙都有賣，架車爛到變形之餘，據說幾個巴士站等車既人都被撞倒，而個巴士站其實係由行人路入口開始剷入去，老實講係冇得走。
有個朋友成日叫我巴士站唔好排响欄位入面，架車撞埋黎冇得走；行馬路唔好行路邊，費事啲發瘟車剷上路邊 ；如果馬路分兩截過唔倒就等對面開始閃先開始過第一截，唔係中間前後夾擊出事睇唔切... 一直我都話佢唔好咁怕死，而佢都係答：比車撞, 撞得死就好，撞到半身不遂，斷手斷腳就生不如死... 可能由於呢期見唔少咁既交通事故，佢呢啲說話近黎經常响我腦中出現...
1/18/2012
AppNavi: The Single Room Murder 密室殺人事件 (Free)
主角宿醉醒來，被困陌生房間中，以為自己非法入左人地屋企，設法逃走...
逃走中發現死屍，並發現屋主從事電影行業同預知會被殺，最後唔知主角點解會被果呢間屋同幫屋主破左案報仇，令真兇被警察捉倒。
倒咖啡的位置：
1/17/2012
Iphone game: Temple Run (Free)
Download link: http://itunes.apple.com/hk/app/temple-run/id420009108?mt=8
簡單直接既遊戲，身為冒險家既玩家探險遇惡靈追殺，為左保命不停跑之餘要左閃右避，要逃過樹幹崖邊，滑動穿過石排同火把，一路傾斜裝置去收集金幣，再用金幣不停自我增值，墜崖撞樹等等死左就結束要重玩。
遊戲本身好簡單，但我幾日內不停狂玩，頗上癮既一個遊戲。
目前最好成績：
Highest Score: 954,510
Longest Run: 6,398m
Most Coins: 2,261
簡單直接既遊戲，身為冒險家既玩家探險遇惡靈追殺，為左保命不停跑之餘要左閃右避，要逃過樹幹崖邊，滑動穿過石排同火把，一路傾斜裝置去收集金幣，再用金幣不停自我增值，墜崖撞樹等等死左就結束要重玩。
遊戲本身好簡單，但我幾日內不停狂玩，頗上癮既一個遊戲。
目前最好成績：
Highest Score: 954,510
Longest Run: 6,398m
Most Coins: 2,261
1/16/2012
AppNavi: Unlucky 倒楣 (USD1.99)
漫畫家千辛萬苦趕稿，完成想交稿之際出門遇見爆格匪徒，被反鎖屋內，匪徒於屋內放上攝錄機及收音設備監視主角動靜，主角逃走之餘先要於攝錄設備做手腳...
主角成功逃出，第一件事交稿去而唔係去報警...
遊戲有邏輯，都算近期比較 OK 既一個。
Movie: 大魔術師 The Great Magician
周迅，劉青雲同梁朝偉都係我幾鐘意睇既演員，入場支持，結果同預期一樣睇一套唔駛用腦既輕鬆電影。
戲中劉青雲飾演既軍閥其實好可愛，扮豬食老虎，對周迅既感情純真得黎好少男感覺，睇得好舒服。
梁朝偉都依然好型，身手好扮嗰樣似嗰樣，但有少少老態咁....
周迅都係 cool cool 的，好似套套戲都差唔多，反而戲中劉青雲既三太都幾搶戲。
戲中劉青雲飾演既軍閥其實好可愛，扮豬食老虎，對周迅既感情純真得黎好少男感覺，睇得好舒服。
梁朝偉都依然好型，身手好扮嗰樣似嗰樣，但有少少老態咁....
周迅都係 cool cool 的，好似套套戲都差唔多，反而戲中劉青雲既三太都幾搶戲。
1/15/2012
是我錯了... ... 嗎？
本來都忍左佢，點知轉頭佢‘飛’左碟蒸魚黎 （真係飛，因為個蒸魚碟係飛離左個墊底碟四分一），頭也不回又想走。我大聲同佢講，我冇叫蒸魚，佢答都唔答，回番兩步拎左碟魚走....
何解叫佢跟單佢望都唔望就走左去，大嗌 “蒸野係要等架啦”就當答左我，求求其其又飛碟野過黎就當係交差？佢跟本當我透明。
嗰刻我忍唔住大聲同佢講：你唔好走住，你跟本唔知我叫咩追咩單你點解唔望吓我張單先？點解我同你講幾轉野你都完全唔理我當我透明？
但阿姐再次唔理我... 走左去!!!
由於呢間茶餐廳都食左幾年，老伙記都認得我同我朋友，有一個走黎問咩事，我講番佢知，老伙記話呢個侍應好少做樓面，唔好意思，我請你飲杯野下火啦... 說時遲那時快，個阿姐又行過，講左句：我冇錯喎，佢追單我咪去追囉，咩事啫
自問呢幾年已經收火，但EQ係負數既我，忍唔住對佢連珠爆發... 呢個阿姐應該係我呢兩年內唯一一個令我發火既人。另外有兩個老伙記都走黎調停，又話送湯又代佢道歉，但我堅持要個阿姐自己道歉，我唔係想要便宜，唔駛佢地送任何野。結果，過左十幾分鐘阿姐比人拉左過黎道歉左一句就走左，我都冇再理佢......
走時見佢比人調左去收銀，我望左佢一眼就走左出去。朋友比完錢，行出黎同我講，佢邊收錢邊响到喊... 隔左陣朋友淡淡然問左我一句：其實你想要咩結果....
嗰一刻，我腦入面不停諗其實我係咪真係過份左... 其實自己為啖氣何苦令人地咁唔開心.... 人地都係打份工啫....
後悔 ing....
1/13/2012
Soliton: I know this song 之快閃音樂表演
食飯時間一落樓聽見強勁音樂聲，行過去就見：
由於係食飯時間，幾分鐘就越黎越多人圍觀，而佢唱左幾首歌就離開左，十足快閃黨。車尾有寫住 'iknowthissong.org'，番到 office 就上網八下：
Google 左一輪，原來係個本地開發 apps, 配合近黎街上得一句歌詞既宣傳，等八掛既香港人（如我）上網自己睇吓其實咩葫蘆咩咩藥。
i know this song 其實係宣傳 Soliton 呢個 apps, 一個 iCloud 作支援既音樂平台，應該係講一句歌詞可以揾倒係邊首歌，應該係好多名人揀選一堆心水歌而用家可以成個 playlist 去聽，應該係可以自已揀歌做個 playlist, 應該係要登記左再要 login 先可以聽歌，應該可以離線聽歌，應該係可以比錢買歌咁... 咁多應該係既原因，係我下載左個 apps，但不停 error, 跟本登記唔倒，所以無從體驗。
聽講有啲的士車身廣告有只得一句既歌詞，但我就未見倒過.... 有冇人成功玩緊呢個 apps?
Download link: http://itunes.apple.com/hk/app/soliton/id469073725?mt=8
1/11/2012
AppNavi: A Sweet Trap 甜密的圈套 (Free)
女主角所暗戀既前輩就黎調職，主角本來打算告白，臨放工收到前輩訊息話有野同佢講，相約見面。當然，女主角到左即刻被反鎖，聽見情敵於門外話要搶先見前輩同佢告白....
成功出走，偶遇前輩... 又係兩個結局：
好結局：帶着頸巾出去，送比前輩，同前輩開始了
壞結局：冇帶頸巾出去，見倒前輩，無言目送離開
成功關鍵就係有冇出去前拎走條頸巾.... 而呢個佈局同結果同前幾日既收費遊戲 "Sweet White Insanity 甜密的白色瘋狂" 跟本一樣!!!
故事無聊，過程簡單，毫無難度... 打攻略時間仲耐過玩既時間十倍.... 無言....
鋼琴 CDEF 既輸入鍵盤：
AppNavi: Sweet White Insanity 甜密的白色瘋狂 (USD1.99)
男主角想同曖眛女生表白途中，被變態暗戀者打暈，從房間提示中得知變態女偷左主角手機，打算呃主角鐘意既女生出黎同對佢不利，主角最後當然逃出，街上撞倒鐘意女生，女生話收倒主角短訊約會取消兩個結局：好結局：走前拎走條頸巾，主角扮送驚喜禮物，感情大步向前
壞結局：走前冇拎條項巾，主角無言以對，女生黯然離去
堅玩到悶.... 十五分鐘玩左兩次.... 呃錢....
Download link: http://itunes.apple.com/hk/app/escape-game-sweet-white-insanity/id491315030?mt=8
1/10/2012
煲劇煲煲煲之： 最佳愛情, 散工買樓夢, 愛母罪, 我不能戀愛的理由, 家政婦三田
好耐冇煲日劇，對上一期應該係睇木村拓哉既悠長假期，戀愛世代，沉睡的森林，美麗人生，HERO，Good Luck, Pride CHANGE... 之後追左一輪敗犬女皇，接住煲左一期韓劇，包括陪老媽睇既大長今，咖啡王子一號店，我係金三珣，同伊，市政辛女皇，神探伽利略，螢之光....
先要推介前幾個月追既有線睇左 “最佳愛情”，呢套真係好得。劇情講天王巨星獨孤真（車勝元）與奀星具愛貞（孔孝真），由最初鬧氣寃家變成後來之恩愛夫婦，中途殺出兩個情敵：與具愛真以前係同一女子組合而家係一線女星既姜世莉，同完美中醫情人尹必周。例牌地中間有好多誤會，好多問題，中間過程好笑之餘都好多感動位。獨孤真成日紓尊降貴去愛具愛貞勁好笑又好感動，劇中一首 ‘扑扑心跳’ 仲越聽越鍾意。
間中睇 J2睇過兩套戲，後尾上網揾從頭睇到尾，包括呢套《散工買樓夢》，又稱《打工仔買房記》（日語：フリーター、家を買う。），又譯《飛特族、買個家》。二宮和也飾演長期打散工，不務正業既武誠治為左個比鄰居‘蝦’到變嚴重抑鬱症既媽媽努力揾錢，目標想搬屋令媽媽早日康復。最好睇係二宮和也同佢老豆（竹中直人）成日頂咀，誠治個爽朗家姐亞矢子，同最後做左誠治女友既真奈美 （香里奈）... 雖然佢地外形唔多襯。
另一套 J2 播過既日劇就係題材特別既 “愛母罪”，講代課老師奈緒（松雪泰子，之前做過白鳥麗子）睇唔過眼七歲既 ‘怜南’ 被生母虐待，天寒地凍佢媽竟然放佢响垃圾袋中放左响街，毅然決定帶怜南番佢自己屋企當自己女咁照顧佢。小怜南超可愛，真係好好戲。小怜南 ＋ 奈緒，奈緒＋養母，奈緒＋親生媽咪 （田中裕子，即係少年版阿信的故事），三條親情線，令淚點向來唔高既我都睇到好感動，特別係奈緒寫左封比十幾年後既憐南既信...
較近期 ‘線上觀看‘ 既劇，戲中三個對戀愛既目標，態度，期望都唔同既女主角，同為高中話劇社校友，偶然機會下一齊同居做起室友來。香里奈，即係散工買樓夢中二宮和也既女友，戲中做燈光師，無論職業，性格，行為都好 'man'，有佢既戲都 OK，當初都係見有佢做所以睇吓... 整體嘛，全劇十集，得閒可以睇吓咁啦，老實講無咩特別，我都拖左成個月先睇完... （鍾意睇既通常幾日就可以 KO 完）
最後一套近期睇既日戲，就係 ’家政婦三田‘ 。呢套係朋友大力推介，話日本近年難得低成本高收視既戲集，由於担正既菜菜子都係我鍾意睇既日劇女星，所以... 又去煲了。菜菜子戲中飾演’三田 燈‘，戲中勁 cool，唔賣靚樣, 煮飯，家務，帶細路做功課無一不精。劇情好簡單，阿須田家女主人因老公有外遇想同佢離婚，走去自殺，淨低老公阿須田同四個仔女，阿須田於是經介紹所請左三田幫手照顧屋企。三田全劇 99.9% 目無表情，行動尤如機器人，全劇基本上用肢體同眼神交戲。你叫佢殺人放火，只要吩咐佢都會幫你做，只因為佢自己覺得生無可戀... 口頭禪：這是你自己該決定的事情，睇到最後一集，呢句野已經入左腦。
雖然三田唔笑，但中間唔少對白都相當引人發笑。好似大女懷疑老豆有外遇，叫三田跟踪老豆，三田答佢：唔得，因為我聽日放假 ； 四兄妹既亞姨麗子，越幫越忙既性格都幾搞笑既，只係有時想打鑊佢；細女希衣唔想一家四分五裂，出錢請三田去綁架自己，而三田打電話去通知阿須田自己綁架佢細女時其實講左係希衣比錢請佢綁架自己.... 家政婦介紹所所長都好吸引，佢每次出場我都睇得好開心。
順帶一提：三田戲中既有咩有咩百寶醫生袋，竟然索價 65,000 日圓.... 但應該都已經賣晒！！
先要推介前幾個月追既有線睇左 “最佳愛情”，呢套真係好得。劇情講天王巨星獨孤真（車勝元）與奀星具愛貞（孔孝真），由最初鬧氣寃家變成後來之恩愛夫婦，中途殺出兩個情敵：與具愛真以前係同一女子組合而家係一線女星既姜世莉，同完美中醫情人尹必周。例牌地中間有好多誤會，好多問題，中間過程好笑之餘都好多感動位。獨孤真成日紓尊降貴去愛具愛貞勁好笑又好感動，劇中一首 ‘扑扑心跳’ 仲越聽越鍾意。
間中睇 J2睇過兩套戲，後尾上網揾從頭睇到尾，包括呢套《散工買樓夢》，又稱《打工仔買房記》（日語：フリーター、家を買う。），又譯《飛特族、買個家》。二宮和也飾演長期打散工，不務正業既武誠治為左個比鄰居‘蝦’到變嚴重抑鬱症既媽媽努力揾錢，目標想搬屋令媽媽早日康復。最好睇係二宮和也同佢老豆（竹中直人）成日頂咀，誠治個爽朗家姐亞矢子，同最後做左誠治女友既真奈美 （香里奈）... 雖然佢地外形唔多襯。
另一套 J2 播過既日劇就係題材特別既 “愛母罪”，講代課老師奈緒（松雪泰子，之前做過白鳥麗子）睇唔過眼七歲既 ‘怜南’ 被生母虐待，天寒地凍佢媽竟然放佢响垃圾袋中放左响街，毅然決定帶怜南番佢自己屋企當自己女咁照顧佢。小怜南超可愛，真係好好戲。小怜南 ＋ 奈緒，奈緒＋養母，奈緒＋親生媽咪 （田中裕子，即係少年版阿信的故事），三條親情線，令淚點向來唔高既我都睇到好感動，特別係奈緒寫左封比十幾年後既憐南既信...
較近期 ‘線上觀看‘ 既劇，戲中三個對戀愛既目標，態度，期望都唔同既女主角，同為高中話劇社校友，偶然機會下一齊同居做起室友來。香里奈，即係散工買樓夢中二宮和也既女友，戲中做燈光師，無論職業，性格，行為都好 'man'，有佢既戲都 OK，當初都係見有佢做所以睇吓... 整體嘛，全劇十集，得閒可以睇吓咁啦，老實講無咩特別，我都拖左成個月先睇完... （鍾意睇既通常幾日就可以 KO 完）
最後一套近期睇既日戲，就係 ’家政婦三田‘ 。呢套係朋友大力推介，話日本近年難得低成本高收視既戲集，由於担正既菜菜子都係我鍾意睇既日劇女星，所以... 又去煲了。菜菜子戲中飾演’三田 燈‘，戲中勁 cool，唔賣靚樣, 煮飯，家務，帶細路做功課無一不精。劇情好簡單，阿須田家女主人因老公有外遇想同佢離婚，走去自殺，淨低老公阿須田同四個仔女，阿須田於是經介紹所請左三田幫手照顧屋企。三田全劇 99.9% 目無表情，行動尤如機器人，全劇基本上用肢體同眼神交戲。你叫佢殺人放火，只要吩咐佢都會幫你做，只因為佢自己覺得生無可戀... 口頭禪：這是你自己該決定的事情，睇到最後一集，呢句野已經入左腦。
雖然三田唔笑，但中間唔少對白都相當引人發笑。好似大女懷疑老豆有外遇，叫三田跟踪老豆，三田答佢：唔得，因為我聽日放假 ； 四兄妹既亞姨麗子，越幫越忙既性格都幾搞笑既，只係有時想打鑊佢；細女希衣唔想一家四分五裂，出錢請三田去綁架自己，而三田打電話去通知阿須田自己綁架佢細女時其實講左係希衣比錢請佢綁架自己.... 家政婦介紹所所長都好吸引，佢每次出場我都睇得好開心。
順帶一提：三田戲中既有咩有咩百寶醫生袋，竟然索價 65,000 日圓.... 但應該都已經賣晒！！
1/08/2012
海洋公園 ﹣ 生日免費之旅
母親大人為左享用海洋公園一年一度既生日免費入場優惠，召喚左全家陪佢去 ‘行’，冇錯，只係行，因為同行六人除左我冇人玩機動遊戲或者坐吊車.....
生日優惠除左生日既本人免費之外，同行其中一人都有半價 (優惠至2012年8月31日)，仲有幾張 coupon 園內食野有一次性八折，購物滿 200 平少少咁。
新出機動遊戲，排長龍，成村人得我一個想玩，冇理由叫佢地咁多個等我一個... 所以冇玩 >.< 行過聽見啲人嗌到癲左，好想玩呀～～～～
比起充滿好多奇怪史前大魚同生物既海洋館，我比較鐘意呢個七彩繽紛既水母館～
可能剛過聖誕，園內仲有唔少聖誕裝飾，每到正點正門同 x'mas photo spot 都有人造飄雪添... 但只限幾分鐘，只影要快快快。
生日優惠除左生日既本人免費之外，同行其中一人都有半價 (優惠至2012年8月31日)，仲有幾張 coupon 園內食野有一次性八折，購物滿 200 平少少咁。
入到樂園，一望地圖覺得比記憶中大左好多，中間個大水池係咪好多年前已經有呢？真係唔記得。但呢個熱氣球應該我細個時未有：
至於大門前呢個水池，夜晚多左個燈光滙演，係咪 ‘參照’ 迪士尼呢？
海洋公園當然唔少得去睇熊貓啦：
新出機動遊戲，排長龍，成村人得我一個想玩，冇理由叫佢地咁多個等我一個... 所以冇玩 >.< 行過聽見啲人嗌到癲左，好想玩呀～～～～
比起充滿好多奇怪史前大魚同生物既海洋館，我比較鐘意呢個七彩繽紛既水母館～
可能剛過聖誕，園內仲有唔少聖誕裝飾，每到正點正門同 x'mas photo spot 都有人造飄雪添... 但只限幾分鐘，只影要快快快。
重臨多年冇去既海洋公園，感覺比記憶中既大左，多左設施。而家多左個火車仔，唔駛排餐死搭吊車上山之餘仲快好多。
最大分別，應該係我細個時去過幾次，都係人煙疏落，而家就成個園都係人，當然強國同胞佔大多數 ； 最重要係我上次去，daddy 都有同行... 但唔經唔覺佢已經過身三年幾...
其實一家人輕輕鬆鬆玩一日，已經好難得，當然正價 HKD280 一個人入場，都唔可成日去啦。
是日好食：Linguini Fini
十二月飯局中其中一間幾得，應該會再番食既就係呢間 Linguini Fini
Linguini Fini ，一間意大利主打‘有機食材‘既餐廳，雖然响中環，但唔貴，服務好好之餘坐得都相當舒服
頭盤：一坐低就送上一客包，凱薩沙律 OK 好食，Mussel 好得，細隻但肥美。
菜湯：OK
主菜：芝士意大利雲吞配蕃茄汁, yummy yummy ; Carbonara 同街外食既唔同，意粉本身比較 ’煙軔’，味道偏濃，反而令我諗番起响意大利小餐廳食既意粉
甜品：蘋果批，本身有一片片蘋果，好香蘋果味，批上面一個 yogurt 雪榚球，配起黎食好夾
除左餐牌上既菜式, 仲有是日精選，熱心既侍應們會逐一介紹。部份菜式有內臟好似肝，心咁，朋友唔食，所以冇叫，下次再試過～
餐廳不設加一，希望客人滿意服務自行比貼士。
 |
| Photo from Open Rice |
頭盤：一坐低就送上一客包，凱薩沙律 OK 好食，Mussel 好得，細隻但肥美。
 |
| Bread |
主菜：芝士意大利雲吞配蕃茄汁, yummy yummy ; Carbonara 同街外食既唔同，意粉本身比較 ’煙軔’，味道偏濃，反而令我諗番起响意大利小餐廳食既意粉
甜品：蘋果批，本身有一片片蘋果，好香蘋果味，批上面一個 yogurt 雪榚球，配起黎食好夾
 |
| Apple Pei |
餐廳不設加一，希望客人滿意服務自行比貼士。
1/07/2012
淘寶淘淘淘之一： 植絨衣架
近黎少左寫 BLOG， 因為忙於煲日劇，忙於睇書，忙食生日飯（唔知點解咁多人十二月生日），忙於淘寶 ：P 日劇同書遲少少再分享，想先講吓最新淘寶番黎既植絨衣架
本人淘寶年資可以話係幼稚園級數，以前聽人地話去淘寶買野直覺覺得啲野質素冇保證，冇諗過去睇或者買。近期因工作需要，要揾平靚正既紀念品, 揾揾吓去左淘寶，見好多平野，但質素就真係估佢唔倒，最後比錢買幾個做版，見質地又OK，賣家又跟得好足同好交帶，突然對淘寶興趣大增。
由於淘寶商品太多，無從入手，買都唔知買咩好。結果有日行街見倒幾年前某大日本百貨見過 數十蚊個既衣架，當日所見係 HKD59.9/ 5 個。突然諗起唔知淘寶會唔會有呢？於是番屋企即該去淘，結果係.... 多到離譜。RMB0.97 一個都有 （未包運貨），但驚質素唔好，結果揀左RMB1.50 一個既黎買。問左賣家運費，發現買得少好唔抵，把心一横將 HKD200 淘點買晒衣架，再安排運費到付。最後，48 小時都唔駛我就收倒箱衣架... 超高效率。
至於呢啲衣架有咩特別，其實主要係我既衫好多大領口或者 V 領，成日掛响到都從衣架滑落衣櫃底，而呢種衣架就可以 ‘啜’住各種衣料既衫，唔會掛到變形或者下滑。重要膊位唔會起角。唔買唔知，衣架都分男裝女裝同小童，成日都分 40, 42, 45 cm, 重有 N 種顏色揀，奉勸一句：有選揀困難既人都不宜淘寶。
小插曲：因為好耐之前登記淘寶用黎比錢既支付寶，比錢時先發現唔記得密碼，增值唔倒，好彩有個叫人幫手比錢既功能，我比個淘點密碼朋友增值左後，叫朋友幫我比錢，全程唔駛十分鐘.... 真係好方便
呢箱就係我買既衣架，本來用買 112 個，結果送來 115 個～連運費差唔多一個只係 HKD3.00，質量幾好，冇一個爛。
 |
| 成個生果箱咁大 |
 |
| 包得好好喎 |
 |
| 115 個衣架～ |
 |
| 衣架正面 |
1/06/2012
AppNavi: The Beautiful Resident 美麗的居者 (USD1.99)
任職洗衣店的主角去高級住宅區收污衣去洗，去到其中一間屋發現冇衫，打算入去問係咪冇衫洗，結果被困。屋內住著一個半世紀前當紅女星，接受唔倒自己日漸老去事實唔敢見人，見過佢既人都要死。想走就要同佢捉棋.... 最憎捉棋！！！結局都係有好壞兩個 ﹣
好結局：變態老女星輸左棋局，主角逃出，女星死左
壞結局：主角輸左，從此被困屋內做工人
都係爆易既一個遊戲.... 咁就冇左十幾蚊，好似好唔抵 >.<
1/05/2012
AppNavi: The Summer Cottage 盛夏的別墅 (Free)
多謝 GinSon 仗義出手寫攻略 ^.^ 改左少少， 希望唔好介意～
尋好夜番屋企，又凍又眼瞓，熄電腦响床玩好快就玩完。但係今日睇寫攻略時重玩，見要 update 就update 左... 但尋晚玩木琴時用既 Twinkle Twinkle Little Star 再過唔倒 ！！！ 試左幾次，換第二首歌 zoom zoom 先過倒....
劇情：朋友相約去海邊小屋渡期，點知去到唔見人，仲比人反鎖屋內... 逃出後發現朋友都在屋外，原來主角生日，朋友安排了一個 surprise party~
1/03/2012
Movie: WE BOUGHT A ZOO 翻身動物園
元旦一心諗住睇呢套翻身動物園，點知去到發現朋友買左飛... 龍紋身的女孩，呢套只覺最後劇情有少少估佢唔倒，整套戲一般
今日終於睇番呢套動物園，輕輕鬆鬆睇温情睇風境。麥迪文今套戲好投入，做佢個女既小童星好可愛～
戲中角色 Lily ﹣ 動物圓 zoo keeper 既表妹同時係未夠年紀做野既非法勞工，竟然係 S8驚世檔案入面好搶既既艾麗芬寧... 今次佢响套戲入面全程傻笑唔知做咩....
今日終於睇番呢套動物園，輕輕鬆鬆睇温情睇風境。麥迪文今套戲好投入，做佢個女既小童星好可愛～
戲中角色 Lily ﹣ 動物圓 zoo keeper 既表妹同時係未夠年紀做野既非法勞工，竟然係 S8驚世檔案入面好搶既既艾麗芬寧... 今次佢响套戲入面全程傻笑唔知做咩....
1/02/2012
AppNavi: Dangerous Luxury Liner - 3D (限時免費)
Dated 9 Dec 2011
又一 3D 遊戲，USD1.99, 會唔會轉頭又免費？？ 仲諗緊買唔買..... 有人買左有又興趣寫攻略同人 share 既歡迎 email 比我， 再 post 出黎 ^.^
Download link: http://itunes.apple.com/cn/app//id485629865?mt=8
2012 年1 月2 日更新：
終於等到佢變免費勒, yeah~~~~ 當做 AppNavi 送既新年禮物
記者以揭黑幕為己任，一日為查案上船結果被困，成功逃出後爆大鑊，令有關人等得到制裁。
遊戲唔難，但有少少位都幾夾硬，例如要幫個石像油甲油，酒架邊既控制台到底做咩要 unlock 左先可以用匙卡出去？有匙卡唔係已經係做 unlock 呢個步驟？好謎... 至於畫面，感覺冇之前兩個 3D 靚，背景相對地少，遊戲本身一般，但用火葯個程序我搞左好耐，唔明點解要放個鏍絲批落地再開槍... 其實，直接開槍打爆個酒櫃咪得，駛咩搞咁多，再唔係直接打爆到門走就可以...
又一 3D 遊戲，USD1.99, 會唔會轉頭又免費？？ 仲諗緊買唔買..... 有人買左有又興趣寫攻略同人 share 既歡迎 email 比我， 再 post 出黎 ^.^
Download link: http://itunes.apple.com/cn/app//id485629865?mt=8
2012 年1 月2 日更新：
終於等到佢變免費勒, yeah~~~~ 當做 AppNavi 送既新年禮物
記者以揭黑幕為己任，一日為查案上船結果被困，成功逃出後爆大鑊，令有關人等得到制裁。
遊戲唔難，但有少少位都幾夾硬，例如要幫個石像油甲油，酒架邊既控制台到底做咩要 unlock 左先可以用匙卡出去？有匙卡唔係已經係做 unlock 呢個步驟？好謎... 至於畫面，感覺冇之前兩個 3D 靚，背景相對地少，遊戲本身一般，但用火葯個程序我搞左好耐，唔明點解要放個鏍絲批落地再開槍... 其實，直接開槍打爆個酒櫃咪得，駛咩搞咁多，再唔係直接打爆到門走就可以...
Walkthrough: https://www.dropbox.com/s/utrb8fvcq8w391e/Luxury.jpg
Subscribe to:
Posts (Atom)