Iron Panda @ K11

K11 以藝術為題，間中有主題擺設。近期主題 Iron Panda，大型型仔响中庭入口，場內尚有迷你版，Kawaii 呢～

ula Umbrella

幾年前有一日於沙田火車站落車，冇帶遮之際出室外傾盤大雨。偶然發現有話自動販賣機有遮賣，本住 ‘頂檔’心態決定買一把黎用，好似 ＄6X。買左之後大愛呢把淨色遮，首先輕，以縮骨店黎講遮身大，快乾，防𠝹手，手把位好拎，最重要係防反遮。

話說公司樓下有個超大風位，每逢落雨打風，樓下垃圾筒都堆滿因太大風吹爛既 ‘爛遮’。唯獨呢把就算反左，轉頭都冇事，成日用都用足幾年！用耐左熟開始少少發霉（有時落雨開遮後未晒乾就收起），於是想買過一把。但發現間中於各地鐵站/ 火車站都有部機，但全線都缺貨!

越買唔倒越想買，於是上網搜尋，揾倒 ula umbrella 網站，發現不定期先會補貨... 好彩上月尾於沙田火車站部機又見倒，即刻買左把彩藍色，勁開心～ 但好似加左價變左 $7x...

世界盡頭的電影院

夏日炎炎睇電影，涼冷氣簡直夏日最佳娛樂。如果免費請你睇戲，但要去沙漠睇你去嗎？原來世界有個如此之電影院，你要去嗎？

世界盡頭的電影院

From 《攝影札記》(Photoblog.hk)

吉卜力工作室場面設計手稿展

沙田香港文化博物館至8 月31日之吉卜力工作室場面設計手稿展至今去左 2 次，第一次剛好係博物館日，人山人海，見人多過見畫。於是上7 月初某 WEEKDAY 請假去多次！星期三成人HKD10/ 位，其他日子HKD20/ 位。

行 SHOW 攻略，首先一早十點幾要到，人比較少。

入館先去客服部取導聽器，一共 40 個錄音介紹，去到某啲有數字既手稿前選取相應號碼，就可以聽有關解說，唔係既就要自行憑想像欣賞了～ 租機 HKD10 一部，可駁 2 個 EARPHONES， 但租時只有一個 EARPHONE， 建議自帶。

取機後第一站，必去地下樓層既 'photo shop' 排隊影 3D 龍貓。第二次去新加了示範教學，地面有個腳印位，企上去，儘量跪低就可以影倒示範教學既效果！

影完龍貓同房可以影埋波兒的，與及房中有好多 POSTERS， 個人對此興趣不大。

影完龍貓上二樓，展廳外有不少巨形影相位同可以自畫煤炭屎鬼，建議先快攝先入展廳睇手稿。

館內不準攝影，好多一家大細去，但大概小朋友對宮崎峻都唔太熟，大部份應該係‘被陪’ 父母親大人去朝聖～原來一套動畫要好多好多畫稿，原來一幅畫稿包含好多意思，一個燈光，畫面移動方向。個人最鍾意天空之城同龍貓既手稿。第二次去聽住導聽器行，發現明多好多喔。

番地下一層，記得入精品店。第一次去排足一個鐘，第二次去時好好多，約十五分鍾。手稿 PRINT FOLDER 同畫最受歡迎，特別係一幅千與千尋湯屋正門畫，好靚～

買滿一百蚊送一個特制膠袋，幾靚架。

PS： 同場有免費李小龍館，有時間不妨一睇。李小龍其實幾 CHARM，可以順道了解吓呢位武術哲學家～

3D 畫筆

路過某 LOGON 發現早前電視介紹過之3D立體畫筆，好似好好玩但好貴喔，唔捨得買黎試...

  

The Amazing Spider-Man 2 蜘蛛俠 2：決戰電魔

其實已經唔記得上一集 Spiderman 講咩，全套 143 分鐘既戲大部份時間講 Peter & Gwen 既感情問題，Peter 同佢父母既問題等等，實在拖得太長；舖排電魔出場都講得太耐，其實佢一出場都知佢痴痴哋；最後堅打既部份唔知係咪因為自己唔舒服食左藥既關係，蜘蛛俠不停放蜘蛛絲飛同電魔既電搞到我暈暈地；全套戲我都冇瞓著但就好多唔明既地方：

﹣Harry 點解就死？佢老豆遺傳咩病比佢？

﹣羅斯福之謎，佢無意中發現既散銀，同佢老豆準時放工點解會可以聯想倒個神秘月台？其實佢老豆臨死唔係將佢既研究留檔而係留遺言？ 

﹣最後 Gwen 係跌左落地死左？好似未落地就拉住佢架喎.... 

新人唔易請！

今年年初，其中一個同事仔因個人理由離職了，被迫又開始一輪煩厭既請人 ＋ TRAINING CYCLE。見左十幾個人，忍唔住要用 ‘光怪陸離’ 黎形容。

其中一個斯斯文文，但無端端戴副豹紋隱形眼鏡.....

另一個，見完例牌問佢有冇問題，佢問：我幾錢人工？點出糧？ .... 查實重點係，我都冇話請佢。

有一個話好急進既：我知剛出黎做野係要濕碎野多，但都要有野學，同埋幾耐左右可以升職？係咪過試用期會加人工？加幾多？

仲有好多問非所答，九唔答八，例如叫其中一個用英文介紹自己，佢答 ‘可唔可以用國語？’

有幾個番左一段短時間就被炒，原因都好奇怪：今時今日都有人唔識响 excel insert row, 唔識用 MS Word 加 table... 冇錯，係自己大意, interview test 冇考，但我實在冇時間同冇耐性由電腦初班教起... 請人既時間亦真係冇諗過會有人唔識架嘛.... 如果咁都要 test, 一個 interview 就要半日...

仲有既人係 interview 時正正常常，但番到工就古古怪怪，例如唔識基本聽電話既技巧，會拎住個電話，唔 mute 就問人：我唔明佢問咩，點答 .....

好不容易請倒個正正常常既人，希望可以做得耐啦，教個新人真係好辛苦，教完佢做仲要 CHECK，唔啱再做再CHECK， 沒完沒了... 慘過自己做。

剛出黎做野，要抱住唔怕蝕底既心態，咩位做咩野，唔好以為濕碎野，簡單野就可以 HEA 做，好多時你既上級見你少少事都用心做，揾個更好既方法做，會對你另眼相看，升職都快啲。相反簡單野都做唔倒，點比其他野你做？但今時今日更多人係抱住趕收工既心態夠鐘即閃...