Movie: Intouchable 閃亮人生

法國版桃姐，都係有關主僕關係。有錢既男主角 PHILIPPE 因為跳傘出事，全身癱左得個頭郁得，要請私人看護照顧。為左達成見唔成三份工去攞綜緩，坐左半年監剛出獄，家境覆雜既 DRISS 去左應徵看護，DRISS 吊兒朗當既態度反而令 PHILIPPE覺得自己被視作正常人，於是請左 DRISS，從而開始一段奇妙既關係。

1小時50 分鐘既戲，冇緊張高潮位，頗為平淡，但由頭到尾因為 PHILIPPE 全身癱瘓而 DRISS 又粗心大意，加上兩人文化背景，文化同性格上既差異，笑料百出，睇得開心又舒服。