咭數一筆清... 袋

人皆有死穴，愛買，只視乎買咩。普通如衣物鞋履，化粧品，護膚品，上至名牌首飾，手袋，金銀珠寶，甚至廚具，家具，家俬，公仔，書，車，古董，樓等等，仲有相機，音響等一擲千金既玩意，同埋豪有豪玩，平有平玩既旅行。無論係揾得倒可以亂駛，或者含住金／ 銀匙𡙡出世，有大水喉射住，駛極都駛唔完既，實情係點駛都冇所謂，仲可以促進經濟發展。

最大鑊者就係冇錢又鍾意亂買既人，近年 “XX 咭數幫倒你”，“XX二按”等等，簡直累人累物，鼓吹先亂買，再借錢..... 但之後呢？後生一輩腦筍都未生埋，日日夜夜比呢啲廣告薫陶，好易以為借左唔駛還，往往下集大結局 ﹣ 即係被人迫到自殺燒炭死或者要破產既結果，卻都避而不談，好多仲要由家人承擔，不知所謂！！！

P.S.: 放心，我冇咭數，現在亦冇咭數要幫人還，只係剛剛响 mytvb.com 睇重播，三十分鐘兩次相關廣告有感而發... 

史上最嘔心聖誕樹

史上最嘔心聖誕樹，大概係黎唔切擺萬聖節攞出黎嚇人，所以叠高佢扮聖誕樹.... 

五天工作周

工作多年，頭一兩年都係五天半工作，之後公司番工時間由九至五改成九至六，但番五日之後，除左間中 OT，出差或者有野做要番工周末要番工，一直至今都冇番過五日半既工。想當年，要番星期六，大致都係開會，執文件做 filing, 大部份時間都係與同事吹水居多。

近幾年陸續有朋友既公司都變成五天工作周，各公司都發現番黎都冇咩用，不如比職員休息吓，增加平日既生產力，同埋慳番啲水電費都好丫。

星期六同日唔駛番工，感覺上多番好多時間用：星期六瞓夠，中午開始活動，就算無聊 HEA一日，仲有星期日可以去街做可多野，爽。時至今日，要轉工既話，人工之外另一重要考慮因素應該就係要五天工作了～

Wave A: Brimming with Jealousy 滿溢的嫉妒 (Free)

Download link: https://itunes.apple.com/hk/app/escape-brimming-jealousy/id579529266?mt=8

一星期第二個免費 game，有人要攻略冇？冇人要就唔寫架勒～

一日，主角應女友之約去她父母既小屋，一入去被女友被鎖.... 查實要困住佢點解要擺條匙响房入面比佢走呢？

1. 機械人：綠白色梳化，右邊後方掛櫃內，右上方
2. 磁石：綠白色梳化，左邊後方掛櫃內，下層玩具車底部，用機械人
3. 打火機：電視機，屏幕右下方，電視機右邊底坐位置有小孔，用磁石，取出並檢視小筒
4. 冰：廚房，雪櫃上格內
5.  金色鎖匙：i. 綠白梳化前茶几上有個透明盒，用冰，用打火機，見盒內提示：三角，圓 X 星，菱形
  ii. 大門左邊牆上倒三角掛畫：倒三角＝ 9，所以正三角為 6
  iii. 鋼琴上武士像，member of the 8th division，得圓形 ＝ 8
  iv. 大門左邊牆上長方形掛畫，畫中星星 ＝ 7
 v. 綠白梳化右後方的植物，花盆見：菱形 ＝ 3
 vi.  68 x 73 = 4964, 輸入鋼琴右邊的金色盒
6. 𠝹刀：廚房，矮櫃，中間一格用金鎖匙
7. 插頭：廚房，綠色入牆櫃內平放的白恤衫，用𠝹刀於被線封住的衣袋
8. 聽筒線：去綠白色梳化前茶几，筆筒，用𠝹刀換刀片；去鋼琴前的地上，金色盒附近有個暗格，用𠝹刀
9. 耳筒：電視右邊的喇叭頂
10. 木棒：i. 組合耳筒，聽筒線及插頭，用於電視下上格的儀器，按一次儀器開機，見畫面提示：ORANGE BOOK，聽完取回耳筒，並將聽筒線拆開待用
  ii. 廚房，書櫃左邊見提示：L (left) = Tower ; R (right) = Star
  iii. 廚房枱面見塔羅書，配對得: Tower = 16 ; Canon =  ; Star = 17 ； 回書櫃，橙色書，左邊第一本書開始數 16 本，數到最左邊藍色就由最右邊的紅色書繼續向左數，得紅色；再由橙色書開始，向右數，到最後一本再由左邊第一本藍色書數响右，得綠書；由於書的左右邊經數書後已經倒轉了，故此 Top 變成 Bottom， 對應書櫃橙色書下方：得黄色 （Canon 之謎唔太清楚）
  iv. 書櫃底見密碼盒，左至右按至顏色變成：紅黄綠
11. 咭：書櫃頂有個盒，太高；檢視木棒，用聽筒線將之與木棒組合，用於櫃頂盒，地上打開盒可以取得
12. 月亮匙：回廳，廚房右邊的綠色門，門左邊中間位置插入咭，門後牆上有粒黄色東西，取之，用𠝹刀
13. 開瓶器：廚房，書櫃左邊的矮櫃，最底一格有月亮形位置，放入月亮匙
14. 機械人手臂：廳，大門左邊的小櫃最上一格有個樽，用開樽器
15. 大門鎖匙：組合機械人手臂及機械人，用於廚房書櫃左邊的矮櫃頂
16. 離開
     壞結局：用大門鎖匙出去，女友持刀等主角，主角被殺，永遠屬於女友的
     好結局：取大門鎖匙的左邊梳妝枱，櫃中有個盒，撕開盒上的紙，再於機械人，見女友日記，得知女友已為試探主角鍾唔鍾意佢，同主角講自己一腳搭兩船但主角毫無反應，女友以為主角唔鍾意自己；主角就以為佢一出聲會導致分手... 再用大門鎖匙出門口又見女友，今次冰釋前嫌～

Wave A: Recreation (Free)

Download Link: https://itunes.apple.com/hk/app/escape-recreation/id579526857?mt=8

埋黎睇埋黎玩，好易過關呀喂～ 作家主角突然腦閉塞，依老婆提意去渡假屋揾靈感，一到埗去書房被困，原來是老婆精心之安排。3D 畫面，隻娃都幾得意...

1. 小皇冠：電視機櫃左邊，地上
2. 小太陽能板：電視機邊，櫃上
3. 萬字夾：電腦右邊白子一叠，右上角
4. 打火機：電腦右邊，牆上，月曆後的牆中暗格
5. 女神像：檢視打火機至開了火，去啡色高身櫃，右邊近牆角，用打火機，地上取
6. 水樽：取女神像位置，後方牆上見提示：得答案，輸入啡色高身櫃的中間左邊密碼欄：00 （依提示知答案為 12 x 5 = 60, 按照時間的 60 分，變成 00 方可）
7. 金幣：床頭右邊見煙灰缸，將水樽中的水倒入，煙灰缸中取
8. 青娃像：放煙灰缸的床頭櫃，下格，放上小皇冠於青娃頭上，可取出青娃
9. 鎚仔：露台，門被鎖上，檢視萬字夾至其變直，用於門鎖上，入露台。入露台右轉見牆邊有部白色冷氣機，機上有螺絲，用金幣打開。
10. 鷹頭馬身像：書枱右下格，見裏面有物件，用鎚仔
11. 金鎖匙：i. 取鷹頭馬身像的櫃內，見提示紙，得知路軌通道由上至下應為：左右右
  ii. 床邊邊地上有玩具火車，將小太陽能板放上火車頭上，牆上的密碼欄通電，依上個提示，將綠色燈，由上至下保持：左右右，ENTER，後退一個畫面，火車車斗取
12. 圓星片：書枱右上格，用金幣，櫃格內取圓星片後取回金幣
13. 正方三角片：露台，最左邊地上有兩盆植物，移開左邊一盆，地上取
14. 顏料：i. 檢視青娃，底部見：黑圓，黑星，白倒三角，白正方形
  ii. 露台水枱上的密碼盒，檢視圓星片及正方三角片，至圖案及顏色與青娃底一樣，盒中取
15. 調色盤：露台畫布右邊的小枱上
16. 膠水：1. 檢視調色盤，用顏料，再用於畫布上
  ii. 依提示去床頭左邊的鏡下用打火機，鏡後有東西；點按鏡左邊，打開鏡，鏡面後取
17. ：i. 檢視鷹頭馬身像，翼鬆動的，用鎚仔，取下翼
ii. 檢視女神像，用膠水於其背上，用翼
iii. 床頭右邊，煙灰缸邊有本紅色書，用金鎖匙，見內容，知：火太陽配怪獸；青娃配日出水塘；女神配金月亮
iv. 啡色高身櫃上排，左格，櫃中畫左上角有蠟燭蕊，用打火機，於畫前放上怪獸
v. 中間格，將水樽的水倒入畫前的木柱頂，畫前放青娃
vi. 右邊格內，將金幣放於畫的右上角，變金月亮，畫前放女神像
vii. 啡色櫃左邊的綠色畫，畫後，見提示：青娃，女神，鷹頭馬身，倒轉青娃 （按照紅色書最後一頁提示 ﹣鷹頭馬身：1，青娃：2，女神：3), 於密碼欄輸入答案：2315 （2 倒轉為 5)
18. 大門離開

Christmas Market @ Hullet House (1881 Heritage)

進入殖民地建築之 1881 Heritage Hullet House pop up market, 彷如回到久違了的歐洲聖誕市場 （Marche Noel)... 大概上年紀既人都愛想當年～

市場中以食物為主，好多紅酒，鵝肝，和牛等等貴價食物，有得試食試飲，仲有特色小食賣，全場其實只有幾十個檔口，但氣氛幾好喎～平日Hullet House 好似唔對外外放，想入中庭行吓，感受吓歐洲聖誕氣氛都唔錯～～

留意開放時間到聽日為止  (1-2 December 2012)！！

如往年一樣，1881 聖誕都有特色裝修，今年都 OK 咁啦：

Youtube sharing: A message to all mobile user

出街總見人人機不離手，不論男女老幼，紛紛變成低頭族。到底係人玩機定機玩人呢？