ula Umbrella

幾年前有一日於沙田火車站落車，冇帶遮之際出室外傾盤大雨。偶然發現有話自動販賣機有遮賣，本住 ‘頂檔’心態決定買一把黎用，好似 ＄6X。買左之後大愛呢把淨色遮，首先輕，以縮骨店黎講遮身大，快乾，防𠝹手，手把位好拎，最重要係防反遮。

話說公司樓下有個超大風位，每逢落雨打風，樓下垃圾筒都堆滿因太大風吹爛既 ‘爛遮’。唯獨呢把就算反左，轉頭都冇事，成日用都用足幾年！用耐左熟開始少少發霉（有時落雨開遮後未晒乾就收起），於是想買過一把。但發現間中於各地鐵站/ 火車站都有部機，但全線都缺貨!

越買唔倒越想買，於是上網搜尋，揾倒 ula umbrella 網站，發現不定期先會補貨... 好彩上月尾於沙田火車站部機又見倒，即刻買左把彩藍色，勁開心～ 但好似加左價變左 $7x...