早幾個月萬寧有個換 staub 煲大行動。向來不屑用印花換野既我好彩得有朋友仔襄助，好快取得幾十個貼子，極速換晒三個 SIZE 既煲。三個加埋換購價比正價買個大煲平，抵唔抵見人見志啦。
與家人同住，廚房乃母親大人聖地，閒人免進。少入廚房既我極鍾意睇廚房用品，好似 i love kitchen 睇新廚具，另外當年讀書住响一位法國老太太屋企，佢屋企有好多鑄鐵鍋，自始對鑄鐵鍋無法解釋既好感。鑄鐵鍋中糾纏於 Le Creuset 與 Staub，兩個都係貴野，但偏向顏色沉實既 Staub。鍳於價錢太高又少入廚，一直都忍手冇買。
早前萬寧做 promotion，買晒 3 個先等於買一個大煲，於是... 去馬！
換購流程：貼子貼滿貼子簿後可以去萬寧加錢換，再自行回去打電話選擇取煲分店，輸入資料，電話自動 MESSAGE 會通知幾時可以去 SF EXPRESS 取煲。細煲約 1 周取，大煲約1 個月，後期朋友再換大煲要 2 個月先有。到期前1﹣2 日有自動 MESSAGE 提醒去拎煲。取煲時就算打開後煲有問題都要客人自行去 STAUB 換取。
換既 3 個煲中有一個既煲邊少少花，要拎去 STAUB 分店換。煲放底幾日後取回即可。但發現拎番既煲同拎去時係差唔多，煲蓋邊有花痕。職員小姐就話人手做既煲個個都係咁.... 小姐你早講我就唔放底個煲啦，又要番黎拎，好好玩咩。
拎煲同場有位男子表示佢個煲直頭裂左.... 超誇張。
大煲上繳中央比大廚母親大人煲湯，大廚表示煲湯一流，其餘功能有待發掘。但輕少少會好啲囉 ^O^
對個排周圍都有人講呢D鑄鐵鍋，其實何解咁多人談論？定係用呢D鍋煮有咩優點？好迷, 只知淨係個煲蓋都重到嘔....
ReplyDelete鑄鐵鍋可以充份鎖住食物既汁同水份，完汁完味。買比母親大人既原因係早幾年煲湯，煲好後瓦煲真係甩底，母親大人成對腳燙傷，自始佢對瓦煲有陰影。金屬煲佢又覺得唔夠火喉，所以買呢個比佢用～
DeleteOMG, 燙傷真係可大可小，我之前都比滾水燙到隻腳，個陣痛到晚晚都痛醒，至少半年先好返，宜家仲有個白色印。母親大人要小心啊。
ReplyDelete燙傷真係好慘....
Delete