Movie: Sinister 邪靈

偶然於手機電影 apps 中見倒一套戲名好普通既戲名：邪靈，但得番旺角 GH 深夜兩場，唔知幾時上但已經快要落畫的樣子，上網睇係咪已經有 '在線觀看’ 版本。

揾呀揾，發現呢套戲既中文名有幾個：邪靈，凶兆，險惡。最終，响 Youtube 揾倒個 full version, 但英文對白＋法文字幕。

自問向來鍾意睇驚慄/ 恐佈片，就算去戲院有晒音響配合既情況下，都唔知係咪睇得太多，已經好少覺得驚。今次，响冇期望下，半夜三更，自己一個响房，熄晒燈，拎本部 ipad, 戴住 earphone 响到睇.... 拾回遺失已久既 ‘嚇親’同 ‘驚’ 既感覺。

戲本身唔多 CG 或者特別效果，反而係出奇不異既靈體出現同音效，加上估佢唔倒既結局... 

劇情：曾經紅極一時之作家，為左取得寫作靈感而再次瞞住家人，舉家搬入一間凶宅，而上手業主一家就被吊死於花園大樹。作家主角於新居閣樓發現一箱影帶，內容係五個家庭被殺經過，五單案共通點係都有一個細路失踪，加上案發地點都有一個圖案。其實到發現影帶開始，家中小朋友陸續出現奇怪動靜，主角應該有預感今次有麻煩。但自私的他，忘不了上次出了一本暢銷書既風光，想藉住影帶揾出五單凶案既關鍵，再到出書，而將家人安全置諸腦後，最後.... 恐佈片結局都係自己睇啦。真係想知又唔想睇既再問我啦～

有興趣睇呢套戲既建議睇完戲先睇番個 trailer：