第三日，一早八點半包車司機準時到達接我地向台中市出發，訂酒店時見香格里拉老英格蘭好正，但都好貴，今次冇住但都想睇吓間酒店，於是請司機叔叔中途送我地去睇吓：
是日第一站，‘台灣中心’ 地標。查實只係一個金屬擺設，影張相就走得：
同場加映：歷來第一次公開我既相 ... 倒映一張～
第二站：紙教堂，台灣 921 地震重創後，日本送來代表祝福的禮物～
紙教堂成日門票 TWN100， 長者／小童 TWN 80，門票可以當現金於場內消費。一入教堂範圍有個小花園滿佈蝴蝶：
仲有唔少好得好靚既花：
紙教堂中既荷花池：
主角：紙教堂
教堂完部由紙製成，防震的～
第四站：日月潭，台灣著明八景之一
天朗氣清，正～
一行 8 人唔想等人等船，包左一隻船，一共 TWN3000，約一小時三十分鐘：
到日月潭指定節目：遊船河，開始～
船長連解說員，都幾型喎：
日月潭四周住了台灣邵族原住民，純種邵族人方可於日月潭岸邊居住及置業，目前只得 273 人。據說台灣政府為左保護原住民，純種原居民生一個 BABY 有約 6 萬蚊津貼：
日月潭名字由來：左邊似月，右邊似日，如下圖～
遊湖中途會送遊客上一個玄𡘾寺，係放了唐三藏舍利既一間廟。查實最著名既係島上所賣茶葉蛋，生意好到台灣稅控局都要查佢數。
日月潭中間有個島，叫拉魯島，相傳係邵族早先為左追一隻白鹿追到日月潭，繼需定居於此，呢個島亦係邵族既 ‘祖靈島’，指定時間同人先可以上島。島四周圍有人工草地，保護該島。詳細資料：
http://www.sunmoonlake.gov.tw/TW/03000626.aspx
上岸地方係落船既潭另一邊，順道食左一餐邵族餐：
賣相 OK，味道..... 一般啦：
台灣原住民圖示，目前只有 12 個原住民部族：
落船地點既四圍係邵族聚居地，四周好多小賣及食物店，不乏邵族吉祥物：貓頭鷹
第五站：鹿港，按司機所講，鹿港係台中最早開發既地方，查實似一個大型市場，街市咁，路見趣緻超大牛角包：
由於台中市天氣好熱，懶惰既我地決定麻煩司機開車於鹿港帶我地遊一轉。舊街街景：
快速遊完鹿港，再搭個幾鐘車到達台中市中心，中途去了買手信，再到酒店 check in:
多次遊台灣，對台灣酒店著實冇信心。所以寧願比貴少少住 Holiday Inn.... Express :P
望內環境相當乾淨企理，滿意。見倒個廁所冇？又係我最憎既磨沙玻璃.... 其實有辦法解決透明問題的，有興趣估吓冇？
去酒店放底行李後，再上車向逢甲夜市出發。沿途都塞車，實際距離其實唔遠，但都用左超過 45 分鐘先去到。街上好熱鬧，人山人海，每一檔都要排長龍，我地行左幾個街口，邊食邊買左好多 ‘外賣’ 番去，決定下場於酒店開餐：
由於人實在太多，又有小朋友同行，我地行左個多小時就約番司機上車，向最後一站：春水堂出發：
春水堂其實就係珍珠奶茶既發源地，講明先購票比錢再等飲品，堂食要等超碼一個鐘，外賣相對快，只等了十分鐘左右：
番到酒店大吃一輪，講吓鬼故，好快又一晚。瞓醒第二朝去左行書局，再經公園番酒店拎行李去機場。公園中有一棵好靚既榕樹，好大，好綠，好壯，見倒佢好開心：
公園內可以踩水上單車，但天氣實在太熱，冇咩人玩：
酒店側有間食豬手的店，據說好出名，我地離開前飽食一餐，都幾好味架：
酒店門口搭的士去機場定價 TWN500 一架車，40 分鐘就到，相當快。Check in 後於機場等呀等，佢竟然 delay 半個鐘... 响等既中途，各團友將身上所有錢响 duty free 買晒手信，冇財一身輕離開台中～
一家人輕輕鬆鬆過左四日，都相當舒服同開心
