台中之旅 ﹣ 預備篇第二回

出發日期定了，酒店機票都定了，由於買團體票，要出發前 7 日先確定來回程時間，要出發當日去機場取機票 （到而家都唔明點解唔係 e-tickets).

行程大概也定了，由於一家人有老有少一齊去，唔想大家太辛苦，決定 4 日之行當中兩日來回台中﹣清境兩段包車，順路四圍遊。

現今資訊也許太過發達，未出發網上資料一籮籮，加埋睇去過既人寫既 blog， 各種 forum 內資訊，連 youtube 片，未出發已經好似去過幾次咁。

唔知點解同朋友家人去旅行，總係負責計劃行程同管數... 冇話好唔好，只可以話：習慣就好了。每次自由行總會買某閃閃發光封面的旅遊書（當初係諗：會唔會有日會儲齊一套呢？雖然都知可能性極低，世界實在太大了），再用 post-it 貼起想去行程同必去景點，而呢個動作一般都係搭飛機時先做，但由於去台灣機程實在太短，本想諗住揾日要提前做功課，點知今次有人爭住做行程編排喎，落得清閒，只希望唔好有太多 ‘驚喜’ ：P