慢活

從小到大好多人同我講，講野慢啲，行慢啲，慢啲慢啲，唔好咁快。直到讀書做 presentation, 老師 professors comments 成日都有： too fast, slow down ... 自己一直唔覺得快係個問題，反而成日覺得：啲人 / 野 咁慢架...

多年前有次當年既 supervisor 同我做 appraisal，同我分析我 ‘快 ’ 之問題所在：

首先，係腦部運作其實比個腦仲快，好多時個口未講完上一句說話，個腦已經跳左去幾條街外，所以除左我講野速度太快之外，好大部份時間係我講野既內容中間會跳左好多內容，好似口數到 1.2.3....6.... 10 咁，個腦已經諗到百幾二百。都因為咁，我冇耐性同人解釋同教人，會好忟；而被我教既人都好辛苦，未必明我想講咩。

其次，係好易得罪人，因為個腦未諗清楚已經講左出口，有時冇惡意，但說者無心聽者有意情況下，後果可以想像。

第三，因為咩都想快，好多時唔會番睇文件, email 等等，變左好易錯，錯左又要改，因快得慢。

仲要個 side effect: 野食好快 ﹣ 對腸胃唔好，而近期已經見倒個 ‘果’，中醫調理中。

坦白講，supervisor 當年同我講完都條氣都少少唔順，但漸漸發現佢言之有理，一直儘力改善中，嘗試慢活，多年下來都有少少成績。

近日公事上遇倒一個與多年前自己既 ‘快’ 活翻版，感覺好得意 ^.^