沖繩6日5夜自駕遊： 準備篇

機票酒店篇：因公事關係，出發前兩星期（6月底）先確定可以放假，唔想暑假同人迫又唔想10月先有得玩，大安旨意7 月初出發。去到買開 package 既 EGL，表示要幾日時間確定酒店，於是馬上轉戰其他旅行社，無意間走入專業XX，價錢略貴但可以馬上確定酒店同機票，合埋眼比錢搞定！

行程篇：呢個係我心目中既沖繩，陽光與海灘，tiffany blue 既海同幼滑既沙。買 package 後上網四出揾人家既 BLOG 抄考行程，9 成計劃好後傳來壞消息：超強颱風浣熊都想去日本湊熱鬧，預計同我地差唔多時間最近沖繩.... 原定 6 日既行程有差唔多 2 日都被困酒店，原有行程中左改右改，隨心隨緣下最終都差唔多去晒。

下篇進入 Day 1!

中國上 FB/ Apple Daily 秘技： "OpenDoor" app (iphone & ipad only)

OpenDoor 並唔係一個遊戲，可以話係其一個翻牆軟件，一個 browser。若果你身處中國，或者使用公用無網絡，而該網絡限制進入某特定網址，打開 OpenDoor app, 輸入相關網址，就可以成功翻牆。目前係免費下載，限用 ios 系統，可能突然下架或者 disable。

OpenDoor 界面比用原 app (e.g. facebook, appledaily) 稍遜，但都叫可以一解 ‘相思之苦’。

其實另一選擇係每日比幾十蚊於香港電訊公司開通服務，可以用原本既 app 上任何網站，一分錢一分貨嘛。

Download link: https://itunes.apple.com/us/app/opendoor/id543808008?mt=8

Movie: 猿人爭霸戰：猩凶崛起 Dawn of the Planet of the Apes

Caesar 長大了成家立室，金門橋事件後領一眾猿人長居森林，轉眼十年。十年間人類被 ‘猿病毒’ 攻陷，文明大倒退，回到蠻荒年代，要重新取得最基本既水力發電，反而要去求猿人批準人類進入猿人領土....

唔記得養大 Caesar 既老豆同爺爺上集係咪死左，兩集相對之下較愛第一輯， Caesar 同人類老爸相處好温馨，解救猿人心路歷程都令人睇得心痛。全片最鍾意 Caesar 受傷後回到小時之家，當年的家變得荒無，人去樓空，淨低一部 video camera。

今集 Caesar 成家立室之餘仲成為猿人領袖，兩子之父。担子大了，想得多了，變相顯得畏首畏尾。忽略了一眾長年被困實驗室猿人對人類既仇狠，間接催化 KOBA 既背叛。猿人變得越來越似 ‘人’，變得 no more ape....

牧羊少年咖啡．茶．酒館 Cafe Bistro The Alchemist

以旅遊為題之餐廳，感覺似上樓 cafe， 佈置格局都走輕鬆格調，中午時段去太子店等了大半個鐘，部份座位少少迫，食物尚可，份量略細。試了玫瑰味咖啡.... 下次都係飲番 Latte 好了！隔離位既窩夫睇落唔錯但實在太飽冇試埋。

與朋友聯誼都相當唔錯。

開飯連姞： http://www.openrice.com/restaurant/sr2.htm?shopid=115150&tc=sr1

Movie: 盂蘭神功 Hungry Ghost Virtual

張家輝首次執導之作竟然係套恐佈片，加上劉心悠與吳家麗，查實都有吸引力。

驚嚇位算多，主要靠音效，好多片段熟口熟面，好似路邊見鬼似'見鬼十',  阿妹撞鬼玩電梯似 ‘藍可兒案’，閉路電視就搞到似 '死亡直播'，戲棚撞鬼本身就令人諗起 '魂魄唔齊'，劉心悠撞鬼情節相當 '驅魔人'.... 最後劇情真係唔太明同張家輝同吳嘉麗關係。母子？ 係既話點解要害個仔？

班主响醫院見倒個女同劉心悠唔妥點解唔即刻去救個仔，要拖到半夜先番去？

PS: 今日去左 isquare 睇，廣告播左十分鐘咁滯... 多到呢...

staub ＠ 萬寧

早幾個月萬寧有個換 staub 煲大行動。向來不屑用印花換野既我好彩得有朋友仔襄助，好快取得幾十個貼子，極速換晒三個 SIZE 既煲。三個加埋換購價比正價買個大煲平，抵唔抵見人見志啦。

與家人同住，廚房乃母親大人聖地，閒人免進。少入廚房既我極鍾意睇廚房用品，好似 i love kitchen 睇新廚具，另外當年讀書住响一位法國老太太屋企，佢屋企有好多鑄鐵鍋，自始對鑄鐵鍋無法解釋既好感。鑄鐵鍋中糾纏於 Le Creuset 與 Staub，兩個都係貴野，但偏向顏色沉實既 Staub。鍳於價錢太高又少入廚，一直都忍手冇買。

早前萬寧做 promotion，買晒 3 個先等於買一個大煲，於是... 去馬！ 

換購流程：貼子貼滿貼子簿後可以去萬寧加錢換，再自行回去打電話選擇取煲分店，輸入資料，電話自動 MESSAGE 會通知幾時可以去 SF EXPRESS 取煲。細煲約 1 周取，大煲約1 個月，後期朋友再換大煲要 2 個月先有。到期前1﹣2 日有自動 MESSAGE 提醒去拎煲。取煲時就算打開後煲有問題都要客人自行去 STAUB 換取。

換既 3 個煲中有一個既煲邊少少花，要拎去 STAUB 分店換。煲放底幾日後取回即可。但發現拎番既煲同拎去時係差唔多，煲蓋邊有花痕。職員小姐就話人手做既煲個個都係咁.... 小姐你早講我就唔放底個煲啦，又要番黎拎，好好玩咩。

拎煲同場有位男子表示佢個煲直頭裂左.... 超誇張。

大煲上繳中央比大廚母親大人煲湯，大廚表示煲湯一流，其餘功能有待發掘。但輕少少會好啲囉 ^O^

動土

數年前有線電線邀請蘇民峰做風水節目，成日聽佢話屋企對住動土要用五行化動土局化解。早幾年買 X 年運程書間中都會講呢個局，查實佢講完都唔太知佢講咩。

家中師奶媽媽當年都聽佢講買左一堆野回家自行 ‘組裝’呢個局。早幾日响書局發現好識做生意既蘇師傅直頭做套裝出埋書，勁！