Movie：低俗喜劇

其實响幾星期前，套戲剛上畫已經睇左，但近來實在太疏於寫 BLOG，呢期會努力補番 ：P

套喜用杜汶澤做電影監製之慘痛經歷做主題，但賣點係由頭帶到尾既粗口，廣西大佬鄭中基，同‘騾仔’。難得港產片全場爆滿咁滯，又唔多明點解一出粗口啲人會狂笑。

個人比較鍾意 FIONA，傻大姐之餘總覺得佢好入戲。當然，鄭中基一出，真係由頭帶到尾，唔多靚仔既佢卻吸所有人既視線，勁。至於個女主角 DADA，其實真係唔太識佢，有朋友話佢係前幾年抗議書展禁止𡃁模入場去跳海既其實一個，戲中既佢又唔討厭喎，OK。

至於杜汶澤嘛，戲中佢係交倒功課但唔可以話好突出，題外話：近年有留意佢既微博同訪問，鍾意佢既做人態度，同佢同太太田蕊妮既 SWEET SWEET 生活。

總括黎講：諗住輕鬆笑吓可以一看

題外話，粗口係人都識講，有人講一百個字有九成都可以係粗口，有人好勞氣先講，但其實有幾多人真係知粗口字既內容呢？中學時有同學好鍾意講粗口，簡直出口成文。有個中文老師，佢上堂時問：你地成日講粗口，不如你話我知啲字點解丫... 全場淨左，老師之後話：其實你明白字既意思，你拼入你講既說話中就知自己講野幾咁唔合邏輯幾咁亂黎。當然今時今日既學生未必適用，但我今時今日都仲記得佢呢番話喎～

有興趣可以睇吓： http://evchk.wikia.com/wiki/廣東粗口五大字