今次又投訴，係因為 3 月轉左個電話 plan，取消兩個合約指定一定要加，但好廢既增值服務， 月費應該大概 HKD250。
前排出差比較多，好耐冇查月結單，對上一個月突然醒起要上網查吓，發現上兩期電話費單仍然出現兩個增值服務收費，雖然唔多錢，但我明明取消左你扮冇收過 request，再老屈我比錢就唔多啱咁囉。驚打去問兩問聽倒白痴答案會扯火鬧人，於是利用 3ichat 網上即時同 customer service 問吓，點知...
提供左一堆私人資料核實身份，我心平氣和地問：我 2 月轉plan 時同時取消左兩個增值服務但電話費單所見我仲要比呢兩個增值服務？
3：系統顯示服務冇取消，你係咪要取消？
Dor: 係，要取消，但我响 2 月已經取消左... 咁我而家比多左兩個月增值服務點搞？
3: 我地沒有取消紀錄，而家係咪想取消增值服務？
Dor: （重覆）係，要取消，但我响 3 月已經取消左... 咁我而家比多左兩個月增值服務點搞？
唔係一直話為保障服務質素以下對話會比錄音咩？你冇紀錄既話查番我邊日轉 plan 就可以，再去聽錄音。
响公司邊做其他野同時，半小時後睇番視窗，發現對方一直無回覆，對答視窗亦因為超時登出了.... 最終發現自己剛才應該同電腦講野中，只有改打電話... 好快接到去有關部門，反映問題，職員表示要問上司。等了五分鐘，職員表示：為左感謝閣下長期使用我地既服務，我地公司會無條件回贈上兩個月既增值服務費用比你，總共 HKDxx, 會响下期賬單顯示...
雖然唔知係佢真係聽左錄音發現收錯錢，定真係因為 customer service 角度而減番，佢地响十分鐘處理成件事基本上我都收貨。正當我欣賞緊之際，不到 24 小時，就係三個鐘頭前左右，收倒個不知名電話，見2字頭諗住唔係廣告電話，聽左，聽音樂，想收線就有人出聲話係 “3” 打黎，即管聽佢講咩。
3：有個 iphone 4s 低價送比指定客戶，用信用咭扣起 HKD4XXX 信用額，每個月供 HKD20， 兩年約就有一部 iphone 4s
Dor: 唔駛勒唔該，想轉 iphone 5
3：吓，iphone 5 唔知幾時出喎，你等到幾時 <--- 拿，佢想點呀！！ 等到幾時掛你叉事？佢都痴痴地
Dor: 咁 OK 啦，我要出 iphone 5 都唔會响你個台出 ... (收線！！）
未遇過，不過明顯係公司管理質素嘅問題，又係嗰句，以為轉咗台就好點知又有啲新鮮嘢俾您嘆。
ReplyDelete可惜而家既生活大概都脫離唔倒上網同電話服務 >.<
Delete鍋鍋新鲜，應該係個sales唔想咩飛
ReplyDelete係呀，我磁場唔好，專惹呢啲問題，唉... 我其實都係純良小百姓，冇心惹事生非架
Delete我諗我都係同電訊公司八字相冲，上網同電話呢d公司我諗我都投訴得七七八八。每次我都好聲好氣問，佢地永遠答d會令你發火嘅答案，有時真係想同佢哋講＂我都未發脾氣，你發我脾氣做咩？＂
ReplyDeleteexactly, 我次次打去起先都只係諗住解決問題，但都係比佢地既答案同態度搞到發脾氣
Delete好多時我都覺得，唔可以一味怪啲直接幫我地做嘢嘅人，佢地公司根本只係識向我地搾錢，但無了解消費者想點，好似數碼通咁，上次2G事件話俾我地知，經營者同市場脫節，仲停留响以前風光日子。
Delete我好明白佢都係打份工，只係佢地好多時對答既語氣都會令人好忟，好似上文比個 4gs 優惠我，我本來好好聲氣同佢講唔駛，佢咩最後整句咁既野比我聽... >.<
Delete類似嗰句我尋日都聽到，不過佢講嘅係Android機，我話我兩種機都有用，而且好新唔考慮換，但佢好似聽唔到咁，仲話我係果粉，唔應該死守蘋果…聽佢越講越興奮唔肯收線，我唯有自己cut佢。
Delete對anges既講法絕對有同感.不過我既經歷係…幫襯邊間都好,打死都唔會幫襯3,我電話同手指上網都幫襯過,無好下場…
DeleteAlex, 果粉呢個 terms 我第一次聽， haha
Deletejennifer, 我間間都 ‘high' 過野.... 唉...
Deletehigh野係在所難免,無辦法你點都要幫襯一間,只係3一定係唔會喺我個list之內,永不錄用.好似x線電視甘,只有你join就無你cut,打熱線又拖你時間,係要發惡啦佢先死死地幫你搞,好忟咖係!
Delete好明白 -.-
Delete