運氣話黎就黎

到底命運決定性格，定性格決定命運？個人向來信命，每年都會去睇流年，唔睇過總會唔安樂，但睇完又唔見得會改變任何野，呢啲咪矛盾囉。但係做左咁多年人，總有好多野不可不信‘邪’，有運咩都得，冇運做咩都死：

朋友公司有位同事 A，人品無問題，對人熱情，但欠缺運氣與冇人緣，工作能力唔算差，但做嗰樣錯嗰樣，四周與’他‘合作過的人個個負面評價，對“A” 避之則吉，個個對 “A”冷言冷語以對，“A”了無樂趣，最終辭職作結。“A”表示，之前幾份工從未遇過如此環境，本來一直事事順意，運氣一向不錯，但舊年轉工開始感覺所有野都 180 度轉變，運氣離“A”而去了？

朋友同事 B，無過人材幹，工作幾年平平無奇，但突然無咩貢獻與業績時，突然開始扶搖直上，成日做錯事，但次次平安避過，有人幫 “B” 善後是也，“B” 至今依然開心過著每一日 ﹣ 運氣話黎就黎？

朋友 C，工作上戰鬥力強，早年加入某大公司，順風順水，唯公司突然撤離香港，“C” 於幾年前加入現公司，發現誤上賊船，一人要身兼多職，多勞但唔多得，剛剛加人工更發現連 reception 人工都加得比自己多，朋友氣頂之餘只有無奈接受。朋友加入新公司時間，與多年前算命師傅預言五年大運結束，時間相當一致...

朋友 D， 在同一間公司工作超過十五年，無甚功過，一向無求，只想穩定生活，嫁個好老公，老闆一向對 “D” 不錯，“D” 亦安於現狀。無奈天降横禍，“D”工作上一次失誤被扁為罪人，一失足成千古恨，“D” 心灰意冷，心思思想辭職另找新天地，但十五年井底生活，現在令 D 寸步難行。到底係 “D” 運氣完了，或者運氣剛剛開始？有待時間証明。

朋友 E 一直安於舊工作，一日復一日番工放工。突然獵頭公司上門，叫朋友見工去，“E”本住一試無妨心態，成功取得新工，進入經理級別之餘人工三級跳... 時也命也

也許用運氣形容所以事係誇張左，如果真係番工番到心灰意冷，好唔開心，轉轉環境見見外面世界未必係壞事... 雖然... 冇人可以担保新的比舊的好。

總相信，時間到了，運氣來了，一切就會變好的... The best is yet to come~

Movie: Battleship 超級戰艦：異形海戰

故事一開始講主角Alex 追女，極之荒謬，九唔搭八。外星人入侵地球派得幾隻飛船黎，仲搞一大輪要做發射站揾支援，多餘。點解外星人要留手咁多次都唔殺眾多主角們，攞黎做。何解隻博物館既船有軍火，可以隨時起航去戰鬧？點解無程程又要黎打爛香港個中銀呢？何以隻外星太空船咁有變形金剛 feel 呢？點解可以唔明孫子兵法又不停引經據典呢？

一套充滿不合理既戲，唔太識得欣賞卻又爆滿的一齣外星人電影。

但係，步出戲院既一刻，望住個天，不期然諗住：會唔會有外星異形突襲呢？

海岸線

有時放工會搭船番屋企，吹吹海風都幾舒服。

呢期總覺得個海岸線高左好多，記得細個時同屋企人去釣魚，水面離地面都好遠，但而家個水面總係好似升高左好多咁，上星期去城門河感覺個水位從未如此高漲過... 唔通因為不停填海填到咁？

SKII day~

今日去朗豪坊，經過 SKII Seibu 內既 roadshow counter, 遇上熱心 sales 姐姐.... 再次亂買...

但今次亂買得黎確實好抵，因為：

1） Seibu 有 discount coupon, 買滿一千 refund 一百，二千 refund 二百，超過三千平了三百

2）本身包了一套 set 裝，已經比正價平了數百

3）入了會，再送一 set 面膜連美白 lotion 試用裝 (其實十年八年前入過會，但冇紀錄，又可以拎多次 welcome gift)

4）下載朗豪坊 apps, 登入，拎張單去換左張免費“屍營旅舍”戲飛（其實三百蚊可以用一個電話登入換一張飛，所以夾硬要同行朋友下載了再換另一張飛） 

5）下載的朗豪 apps, 順道去 issey miyake roadshow counter 換了兩套香水試用裝

重點希望用完呢套野真係見倒效果啦～ Fingercrossing xxxxxxx

AppNavi 收費熱～

出差回來，差不多一個星期都不在狀態，要處理公司一啲事情，好多晚都去還飯局債，打機時間著實不多，但每日都會 refresh 吓個 AppNavi 板面睇吓有冇新遊戲。

玩左年幾呢類遊戲，一星期出一個，間中玩吓當娛樂尚可，某程度會有期待等佢出新遊戲。但係近日 AppNavi 一星期內狂出多個收費 apps, 個個 USD1.99, 真係咁多狂熱份子個個 game 咁買黎玩？

AppNavi 既遊戲，最多玩兩至三次，玩完之後又有幾何會再玩？間中下載幾個收費 apps 我都 OK， 但冇可能追佢咁個個玩勒... 冇咁既精神同時間，同時佢呢個 ‘搶錢’ 模式令我有少少反感。

理智上明白人地開間公司出黎都係想賺錢，唔可以無止境咁出免費遊戲，所以之前都會比錢買支持吓。然而，玩左年多後，熱情減退，相信大部份收費 apps 都唔會比錢玩了。

AppNavi: Fragments of a Lie 謊言的碎片 (300 points)

主角深愛女友，一日女友前度叫主角去其女友家，將佢反鎖要主角認清女友真面目～

唉瘋快瘋了...

話說，本人手機尚停流於 3GS 階段，一直想等 iphone5 出先轉機，但近日部電話開始 ‘作病’，試過幾次電話响時電話不停震，但冇畫面，唔知點接電話。最後強行關機，再開，但開機後數分鐘都揾唔倒訊號。試過電話另一端根本聽唔倒我講野，redial 幾次... 最終 whatsapp 作結。

身邊有朋友紛紛轉用 Samsung，好似都幾好喎，雖然有少少 iphone 情意結，但又唔想換 iphone 4/ 4s，如果响 iphone 5 面世前部 3GS 真係挨唔住，真係可能轉投 Samsung 陣營了 ...

Move: The Avengers 復仇者聯盟

一部雲風鐵甲奇俠，變形俠醫，美國隊長，雷神，加上兩個間碟特務黑寡婦同鷹眼，聯合組成復仇者聯盟對抗來自世界另一端之入侵者。

首先，每個戲院一日播成 5﹣6 場，依然場場爆，睇得出呢套戲於之前各個英雄獨立片中留下既片尾伏線都好成功。結果，兩個半鍾頭段為左 refresh 大家既記憶同介紹番幾個主角，有少少慢，中後段開始比較緊湊，最後開心收貨。Ironman 依然串爆；怪醫於戲中好搶，超打得，特別係打扁 Loki 一幕笑死左，勇救從半空墮地之 Ironman - 勁；唯一女將黑寡婦，一個字“型”。另外其個英雄嘛，ok 啦... 

一句講晒，近期大愛～

AppNavi: Special Cleaning ~The Mad Client~ 發瘋的客戶 (Free)

Special Cleaning 系列再次登場，又係去清潔，又係無端端被困...

The Distorted Island 歪曲的無人島

幸福小女人一天被前度男友捉去無人島，主角要自救離開.... 一個大家都應該玩完晒既遊戲.... 

Home sweet home~

番黎勒～ 工作結束，靜落黎，倦意洶湧來襲....

AppNavi: Night Pranks 夜之嬉鬧 (Free)

星期五開始出差，22 號回歸，剛 OT 番到黎有新 game... 玩唔玩埋先瞓好呢？

Update on 23 April 2012: 拖左幾星期終於玩完呢個 game, 少少好似有鬼既位幾得意，密碼都 OK 唔難，但相信出呢個攻略前好多人已經完成了...  >.<

Happy Birthday... again~

尚有不足二十四個小時，又到一年一度的生日.

每年生日都會自我 review 一下，而今個生日，做左個中期檢討， 因為如果我有七十歲命，人生都行左一半...

自細我都好死好彩，唔太鍾意讀書又比我考試考得 OK，HKCEC／ HKAL 一直都無驚無險。雖然唔係名校畢業，但都叫讀完大學。任性但唔係含住金／銀鎖匙出世既我，中五暑假話要跟個同學去加拿大讀 summer course, 二十四考媽媽又比我去，自此開拓左我得閒就要離開香港既習慣。讀大學揀左一科冷門科，為的就係明正言順有一年去歐洲‘讀書’既機會，當然讀書為名，中間穿插大量長短途旅遊。

讀完書，順利揾倒第一份工，做左幾個月唔鍾意，轉了另一份，一做差不多做了十年。

大概年半前，我離開左一班差唔多共事左十年既同事同環境，離開既原因其實只係當刻有好深感覺我要離開，唔想再重覆做呢份工，想離開生命中呢個安全網，想去 explore 一下生命中其他既可能性... 一個隨心又任性，而又唔太多人會明白既決定。

決定辭職後，用左五分鐘打辭職信，老闆收到一刻都好錯愕，但尊重我既選擇。之後，我亦決定比自己一個悠長假期，預定半年。

無宗教信仰既我，其實一直都相信命運，相信生命係一場 programmed 既遊戲，一切無必要太計較，太執著，因為我自小長大既環境同際遇，發生過太多事堅令我感受倒‘整定’ 呢兩個字... 所以我一直都好隨遇而安，我好相信我一定會揾倒一份工，問題只係好唔好。當中都矛盾過：要揾番份人工有番咁上下但繼續好辛苦既工，咁我當初又何必要走；要揾份人工差過以前但冇咁大壓力，冇咁忙既工，但見過幾份類似既工都比人話我 over-qualified... 諗過係咪要做份假 CV 寫做十年 clerk 就算，anyway, 冇咁做過，始終相信係我既始終係我既～

半年過去，雖然越黎越發覺自己好有做宅女既潛質，hea 足半年仲未夠皮，反而係身邊既家人朋友不停問：點呀，揾工揾成點呀，想揾咩工呀...

家人朋友群眾壓力下開始揾工，見過幾份覺得幾好既都無消息，曾經一度好 down，好彩有輕度老人痴呆既我幾日後又唔多記得，又冇事再繼續上網揾揾工，間中見見工，繼續行街日飯既日子，而呢段時間我亦瘋狂打機，玩番多年冇玩既 Command & Conquer 等等電腦遊戲，同 AppNavi 既 games. 每到 AppNavi 差唔多出game 既日子，我就一早起身瘋狂 reload 睇有冇新 game, 一出game 就 9 秒 9 download 同打完佢，打完無聊去 forum 話比人知點過關，越答越發現好難揾番條題目之餘 forum 內都好亂，於是開始响呢個 blog 寫攻略，建立左一個屬於自己既秘密空間，識倒班好 sweet 好好既 ‘網友’ 們... 本來，我身邊其實冇人知道我寫呢個 blog... 除左我其中一個表妹因為一幅我响 facebook 同呢個 blog 都 post 過既數字油畫，同佢有睇過我呢個 blog 既同事無意中串連倒我就係佢表姐 .... 到宜家我都覺得呢件事好搞笑～

於呢段我人生中半退休既時間當中，AppNavi 既遊戲成為仲我每星期十分期待既節目。亦都因為响呢個 blog 寫攻略，好多人會留言比我，幸運地大部份既留言都係善意既，收到每一個留言我都會好開心 ^o^

相信最近幾個月都發覺我出攻略慢左，因為我 hea 左一年三個月之後我再次回歸朝九晚五既生活，番左一份 freelance 工。合約期本來到四月尾，本來打算做番幾個月宅女再揾工，但剛剛公司確定轉我做另一個 permanent post, 而我都幾鍾意個新 offer, 所以黎緊相信要正式告別我宅女既生活，但唔排除我會拎幾個月 no pay 假去hea 一排。

希望我黎緊既生活都繼續可以 hea 下去，希望自己同身邊既人都‘身體健康，開開心心’，呢啲就係我最近幾年既生日願望～

長假做咩好？

相信番工番學既人都好鍾意一連四日既紅假，如果請埋 4 月 2,3,5 號，一放就 10 日。離港去玩 package 或者團費都比平日貴好多，但唔去旅行，香港又有咩好做呢？對我黎講不外是行街，食飯，睇戲，打機，打麻雀... 加埋呢幾日天氣唔好... 諗起都悶...

WaveA: Bar Sona 1968 (Free - Japanese Only)

全日文版的 Bar Sona 1968, 玩完了，但唔好問我故事講咩...  音效唔錯，畫面幾好，應該過一段時間會 unlock 一開始畫面既女子影像，入另一個故事模式～

Download link: http://itunes.apple.com/hk/app/bar-sona-1968/id510572615?mt=8

AppNavi: A Plot on the 8th Floor 8 樓的陰謀 (Free)

主角送貨去到一個陰森公寓，收貨人以為主角知道包裹內容，將之禁固... 相當容易，又有好壞結局的一個. 

Movie: 春嬌與志明 ＜番外篇：志明 之 別問我是誰＞

Enjoy~

Movie: Wrath of The Titans 狂神魔戰 (3D)

於冇人再拜‘神‘既年代，一眾天神漸漸失去力量，天神宙斯都唔例外，反而根本冇法力既主角半人半神之柏修斯毫無影響。適逢宙斯另一個戰神亞仔與冥皇細佬與宙斯老豆合力叛變，對付宙斯，最後反而就要靠柏修斯去救番個天神老豆。

之前睇其他戲時睇有關呢套戲既 trailer, 已經差唔多係整套戲之精綷所在，半人半神之柏修斯除左得閒可以同天神老豆同親友傾計之外，完全睇唔出佢同凡人有咩分別，次次都捱打，反而佢個戰神細佬仲超好打。

戲中冇靚仔男主角，越睇越眼瞓，好彩今次响 IMAX 睇，畫面都幾靚，但內容冇咩刺激位，就算打交都因為太一面倒，次次柏修斯都係捱打最後先好彩咁蠃。

比我再揀未必會再去睇呢套戲...