SKII 敗家日後記

早前買既 SKII 差唔多用完了，得番四分一支神仙水。效果嘛，初時數星期狂爆石頭瘡同暗粒，密密做了幾次 facial，差不多兩個星期左右暗粒開始退，皮膚開始好左，毛孔細左，基本上係好左。但由於市面上新 product 太多，貪新鮮既我又想試其他 product 了：P

番外篇：慳家小貼士

平日用完眼霜或者其他小樽 sample 都會留底個樽，洗乾淨後，出差或者旅行時可以裝用開既護膚品去用。

同埋，好似支吸管裝銀色既美白精華用到最後吸唔出，但其實樽內仲有唔少精華。呢個時候，用個舊樽，將支精華倒轉放一晚，第二朝就已經倒晒出黎。

今次套 SKII 有 10 塊面膜，每次拎番面膜出黎個袋入面其實仲有好多精華，又係用個樽仔裝起佢 ：左邊係美白精華 ； 右邊係 10 塊面膜袋入面既精華 （其實本來滿滿的一樽，部份已經用了），係咪好環保呢～

多氏亂遊：青馬橋橋底（西草灣）

近日少左打機，變身兼職龍女，去影相去也。兼職原因由於我只係用 CANON S95，並非真正既單反機，只因小女子太懶也，唔想拎去咁多 ‘架餐’ 行來行去。由於兼職＋入門性質，相唔係特別靚，純粹分享，放假除左行街睇戲食飯外另一選擇。

影相時望住個鏡頭專心影相，研究點可以影靚啲，部機放高啲，低啲，左啲，右啲，光啲，暗啲，同一個位置影效果都可以差好遠，摸塑中～ 若有高人路過請指教仲有咩好玩景點 ^.^

今次去既係青馬橋橋底，交通方便，只要於葵芳地鐵站 B 出口，小巴站搭 88M，搭到尾站“聯合船塢”即可。落車行十五至二十分鐘，超方便，但冇糧水補給，同埋冇廁所的... 但個人認為可擇日再影的一個點 （冇錯，有景點係打死都唔會再番去的！！）

落車點就係船塢，沿山邊一直行入去... （呢張相係我行左一半影番去入口, 留意左上角有個月光～）

轉個彎就見倒青馬大橋... 再向前行...

見倒個入口冇？只要行上個石級，沿鐵線網有條路，行入去一直行：

見倒一條 ‘草路’，再行：

基本上好多人行過條路，所以跟住呢啲 ‘行跡’ 就可以：

其實條草路好短，行行吓有分义口，轉右條路易行，我就笨左行左條難路，差錯腳會落海既石路：

好勒，行左一輪，開始影相。呢期天濛濛，意外為啲相帶黎特別效果，尤其鍾意天上既雲：

橋底影海景，都係鍾意有船陪襯既相：

由橋既另一邊映上去，好似未來世界喔～

呢到真係橋底黎架，你睇：

番去橋既左邊橋底，影响船塢，見倒咁大隻船其實好壯觀：

船塢對出既海，或者因為空氣污染太厲害，海上好似出現海市蜃樓，但又幾靚喎：

近日落，天色一片橙黄：

冇修圖既橙色天，配上雲彩

天漸黑，離開時橋底開始亮燈

是日最後一張橋相～

當日影左過百張相，映完再揀鍾意既都玩幾晚，搞到唔記得去逃勒.... :P

Movie: Total Recall 新宇宙威龍

主角，一個未來世界機械廠人工成日發夢見自己係個特工，逃走失敗被捕。厭倦生活既主角一日被 "Rekall" 服務吸引，毅然前去幫襯想逃離現實，一嘗做吓夢中特工既滋味。Rekall 服務人員一替主角注射化學品入夢之時，一班警察突然出現，主角一人掃底十個警察，驚然發現自己身手了得。逃離大批警察追捕番到屋企，化學品剌激下主角漸漸恢復記憶，原來家中老婆都係但超打得既警察，任務就係監視被換走記憶既男主角，而男主角身份就係雙重特工～

之後故事比較拖長黎做同悶，主角女友現身，兩個特工打不死，不停追趕跑跳踫都死裡逃生。鏡頭郁得好快，睇到有少少眼花同.... 眼瞓....

P.S.：據說電影改篇自小說，199X 年阿諾舒華辛力加曾經拍成宇宙威龍，今次再重拍所以叫新宇宙威龍。由於冇睇過阿諾版本，唔知兩套戲主要分別係咩，但其實都係兩套獨立既電影，其實又何須比較呢～

Gotmail: The Lost Lover 失蹤的戀人 (Free)

另一新遊戲，但免費限定係四日內～

女友及女友爸爸突然失蹤，男主角揾到女友爸失蹤前經常出入既一間屋，室內裝修到成間廟咁，入去之後又要逃～


PS: 啡色大櫃左邊木柱上提示：Light the 3 white objects, 未揾倒與邊個提示有直接關連，重玩唔睇都過倒... 但若有人中途過唔倒可以照睇左先

WaveA: Perilous Homecoming 九死一生的歸還 (Free)

可能出左幾日既免費遊戲，但我幾日後既星期六先發現  :P

Download link: http://itunes.apple.com/hk/app/perilous-homecoming/id542296049?mt=8

特攻深入敵方陣地被困，要從飛機倉庫逃走。好似少左前一期清楚既密碼對應設計，即係揾倒個密碼或鎖匙會知用响邊。而家成日都要試來試去...

塔門一日遊

天朗氣清最適合郊遊。其實上個月已經完成左呢個一日遊，只係唔知點解一直冇的起心肝去寫 ：P 是日由馬料水碼頭八點鐘出發，搭左二十八蚊翠華街渡，好快就到塔門 。

塔門 (又名 Grass Island)，顧名思意綠草如茵，沿路行好多高身植物同 ---- 蜘蛛～ 由於當日天氣實在太好，行吓抖吓hea 吓行得極慢，當日並冇行完成個塔門，只完成了南半島。擇日再戰北半島啦～

一上碼頭幾步路就見各種海產乾貨：

塔門終係個船村，仍然有唔少船响岸邊，好有特色：

今次上岸後左轉，經過天后廟就去到塔門大草原：

唔少人响到露營，仲有人响到自彈自唱結他：

滿山都係牛，而且啲牛一啲都唔怕人：

小牛略影：

藍天一片，加上好好風，極之舒服：

藍天白雲加個蔚藍的海，海天一色喔～

塔門島上不少涼亭比遊人休息，貼心～

塔門著名呂字石 ／ 叠石：

近漁民新村一段舖有梯級及扶手～

今時今日少見既柴火煮食：

行完山可以响岸邊餐廳休息及食飯，响海邊餐廳食吓馳名海胆炒飯加杯脾酒，望住個無敵海邊＋清風，正～  ( 怕熱既行番去天后廟方法，有間有冷氣既餐廳架 ),

回程可以搭船去黄石碼頭，晚餐再去西貢食吓 hea 吓，輕輕鬆鬆又一日 ^.^



塔門詳細資料： http://www.oasistrek.com/grass_island.php

Bicelle Renewal Eye Cream & Derma Ceutic Yellow Cream

是日路過葵涌廣場，諗起有間賣護膚品既舖頭，所有講得出同講唔出既牌子都有得賣，比市面上平少少之餘仲有一大特色 ---- 就係多贈品！

下圖最左邊一支係 Yellow Cream - 去斑去印去色素用，網上好評，未開封～

一間一盒藍色係 Bicelle Eye Cream, 前幾日買左個 Estee Lauder 但相信好快用完，Bicelle 以前用過，平得黎效果 OK，順道買支做存貨～

其餘三支都係贈品，雖然 size 唔大，其中兩支係補水都係長期要入貨類，留番黎去旅行出差都唔錯。