Spiritual August

過左一個好忙好忙但又好充實既八月。BLOG 都寫少左，只迫自己每星期儘快完成個指定遊戲，剛睇番都覺得.... 好求其～ Anyways, 只享受過程，大家玩左咁耐其實都差唔多可以自己搞掂架勒。

八月到底忙咩？有少少好玄妙既野就係連續兩星期去左上靈修既課程。其實差不多十年前已經對 spiritual development 好有興趣，同宗教無關，特別係 miracle 33 years old 同一時間感覺來自四方八面於情緒上，物質上，事業上， 感情上衝擊好大，好需要揾寄託，揾出路，從歸靈修路上。

我所謂既靈修與基督教等無關，只係有關自我提昇同了解，認知。不停睇書既過程，由起初唔太明，漸漸睇上癮。有云：書中自有黄金屋，但於我，所謂既黄金只係响心靈上。Laws of attractions, 活在當下，high self, healing, meditation 呢啲字成為我 yahoo/ google 既主要目標。漸漸發覺想知更多更多，因緣發掘左好多 healing class, 上過上完都唔太知做左咩既 consultation class, 亦上過上完消化唔倒太高 level 既workshop。而剛剛完成一個workshop, 感覺良多。

上天整定呢個時間，呢十幾個人上呢個 workshop，感覺係... 大家係互補關係。我見其中一個人既問題，第一個感覺我唔太鍾意一個 team-mate 既原因... 漸漸覺悟佢係自己既投影；一個個人對唔同課程內容既反應，又抗拒到接受，到最後感受，感恩，只能體會，不能言傳。感受倒力量，感受倒人地既痛，從而釋放自己,  can only say that it's miracle~

Gotmail: Give up (Free)

自稱失敗女生，唔煮好餐快唔比走 ... 一邊玩都有少少 ‘KICK’， 今次有番少少難道，但雪櫃門上取既密碼有少少夾硬黎... 可能係我解錯....

Walkthrough: https://www.dropbox.com/s/kez37f0idhkojne/Give%20Up.docx?m

Gotmail: A Captivative Tour 魅惑的旅行 (170 points)

主角前往神話之國希臘入住民宿，瞓醒屋內空無一人... 今次好易，內容無聊，有少少浪費左個主題... 多分得滯就換黎玩吓啦～

WaveA: The Escape Game from Hell 地獄逃脫遊戲 (Free)

Download Link: http://itunes.apple.com/hk/app/the-escape-game-from-hell/id549101609?mt=8

對社會失望，誤入歧途主角一日被打暈，醒左見初戀女友被綁，神秘聲音發出指令要主角一步步完成任務，否則要死...

Gotmail: A Trap of Revenge 仇恨的陷阱 (Free)

善良殺手打算去暗殺壞人，反而被困... 

獨特的香港：微型藝術展

展覽日期：2012年8月1日- 9月21日
開放時間：上午10時至下午6時（逢星期二休館，公眾假期除外）
展覽地點：中環愛丁堡廣場3號地下「展城館」（香港大會堂低座旁邊）

睇完藝術展中既舊香港，坐吓電車遊吓現實中既香港，接懷舊主題：

SKII 敗家日後記

早前買既 SKII 差唔多用完了，得番四分一支神仙水。效果嘛，初時數星期狂爆石頭瘡同暗粒，密密做了幾次 facial，差不多兩個星期左右暗粒開始退，皮膚開始好左，毛孔細左，基本上係好左。但由於市面上新 product 太多，貪新鮮既我又想試其他 product 了：P

番外篇：慳家小貼士

平日用完眼霜或者其他小樽 sample 都會留底個樽，洗乾淨後，出差或者旅行時可以裝用開既護膚品去用。

同埋，好似支吸管裝銀色既美白精華用到最後吸唔出，但其實樽內仲有唔少精華。呢個時候，用個舊樽，將支精華倒轉放一晚，第二朝就已經倒晒出黎。

今次套 SKII 有 10 塊面膜，每次拎番面膜出黎個袋入面其實仲有好多精華，又係用個樽仔裝起佢 ：左邊係美白精華 ； 右邊係 10 塊面膜袋入面既精華 （其實本來滿滿的一樽，部份已經用了），係咪好環保呢～

多氏亂遊：青馬橋橋底（西草灣）

近日少左打機，變身兼職龍女，去影相去也。兼職原因由於我只係用 CANON S95，並非真正既單反機，只因小女子太懶也，唔想拎去咁多 ‘架餐’ 行來行去。由於兼職＋入門性質，相唔係特別靚，純粹分享，放假除左行街睇戲食飯外另一選擇。

影相時望住個鏡頭專心影相，研究點可以影靚啲，部機放高啲，低啲，左啲，右啲，光啲，暗啲，同一個位置影效果都可以差好遠，摸塑中～ 若有高人路過請指教仲有咩好玩景點 ^.^

今次去既係青馬橋橋底，交通方便，只要於葵芳地鐵站 B 出口，小巴站搭 88M，搭到尾站“聯合船塢”即可。落車行十五至二十分鐘，超方便，但冇糧水補給，同埋冇廁所的... 但個人認為可擇日再影的一個點 （冇錯，有景點係打死都唔會再番去的！！）

落車點就係船塢，沿山邊一直行入去... （呢張相係我行左一半影番去入口, 留意左上角有個月光～）

轉個彎就見倒青馬大橋... 再向前行...

見倒個入口冇？只要行上個石級，沿鐵線網有條路，行入去一直行：

見倒一條 ‘草路’，再行：

基本上好多人行過條路，所以跟住呢啲 ‘行跡’ 就可以：

其實條草路好短，行行吓有分义口，轉右條路易行，我就笨左行左條難路，差錯腳會落海既石路：

好勒，行左一輪，開始影相。呢期天濛濛，意外為啲相帶黎特別效果，尤其鍾意天上既雲：

橋底影海景，都係鍾意有船陪襯既相：

由橋既另一邊映上去，好似未來世界喔～

呢到真係橋底黎架，你睇：

番去橋既左邊橋底，影响船塢，見倒咁大隻船其實好壯觀：

船塢對出既海，或者因為空氣污染太厲害，海上好似出現海市蜃樓，但又幾靚喎：

近日落，天色一片橙黄：

冇修圖既橙色天，配上雲彩

天漸黑，離開時橋底開始亮燈

是日最後一張橋相～

當日影左過百張相，映完再揀鍾意既都玩幾晚，搞到唔記得去逃勒.... :P

Movie: Total Recall 新宇宙威龍

主角，一個未來世界機械廠人工成日發夢見自己係個特工，逃走失敗被捕。厭倦生活既主角一日被 "Rekall" 服務吸引，毅然前去幫襯想逃離現實，一嘗做吓夢中特工既滋味。Rekall 服務人員一替主角注射化學品入夢之時，一班警察突然出現，主角一人掃底十個警察，驚然發現自己身手了得。逃離大批警察追捕番到屋企，化學品剌激下主角漸漸恢復記憶，原來家中老婆都係但超打得既警察，任務就係監視被換走記憶既男主角，而男主角身份就係雙重特工～

之後故事比較拖長黎做同悶，主角女友現身，兩個特工打不死，不停追趕跑跳踫都死裡逃生。鏡頭郁得好快，睇到有少少眼花同.... 眼瞓....

P.S.：據說電影改篇自小說，199X 年阿諾舒華辛力加曾經拍成宇宙威龍，今次再重拍所以叫新宇宙威龍。由於冇睇過阿諾版本，唔知兩套戲主要分別係咩，但其實都係兩套獨立既電影，其實又何須比較呢～

Gotmail: The Lost Lover 失蹤的戀人 (Free)

另一新遊戲，但免費限定係四日內～

女友及女友爸爸突然失蹤，男主角揾到女友爸失蹤前經常出入既一間屋，室內裝修到成間廟咁，入去之後又要逃～


PS: 啡色大櫃左邊木柱上提示：Light the 3 white objects, 未揾倒與邊個提示有直接關連，重玩唔睇都過倒... 但若有人中途過唔倒可以照睇左先

WaveA: Perilous Homecoming 九死一生的歸還 (Free)

可能出左幾日既免費遊戲，但我幾日後既星期六先發現  :P

Download link: http://itunes.apple.com/hk/app/perilous-homecoming/id542296049?mt=8

特攻深入敵方陣地被困，要從飛機倉庫逃走。好似少左前一期清楚既密碼對應設計，即係揾倒個密碼或鎖匙會知用响邊。而家成日都要試來試去...