Please click~~~

11/07/2012

譚仔雲南米線

傳聞譚仔有分正宗 譚仔‘三哥’ 雲南米線 與就咁譚仔雲南米線。日前再次幫襯了 ‘三哥’ 非尖東舖,面底真的一般,配菜唔太揀得落手。冇我鍾意既南記類既豬腩肉同春卷,唯有叫個淨粉底加比較 OK 既小食,今次叫了土匪雞翼同皮蛋,過得去啦,尖沙咀黎講都算平咁。


今次比較想講食物質素以外既事。先黎係呢張告示:






























好似係大半年前有個女子拎個名牌袋去三哥舖食野,比湯/汁整污糟,要求賠償後佢地所有舖都貼左張 ‘温馨提示’。勁~

另外呢間舖一大特色:亂中有序
有次叫左碗粉,阿姐行開左先醒起唔記得叫飲品。於是叫左個阿且想加杯凍檸茶,阿姐話:你張單未比你唔加得,你遲啲加,飲野好快有。轉頭,單黎左,再叫阿姐加飲品就真係即可以加,一分鐘唔駛送到。

同一次,食物黎左,發現我要酸菜佢比生菜我,阿姐表示:你係咪要酸菜?我話係,以為佢要拎碗粉去廚房轉單,點知轉頭阿姐拎左一大碗酸菜出黎比我解決,碗中生菜當送比我喎。

最後就係,間舖既職員互相溝通唔係廣東話又唔係國語,佢地自己溝通得好好之餘又唔駛驚比客聽倒佢地講咩,幾好喎~

1 comment: